اختي الغالية قلعة الملوك قلتي ( كل آيه فيها حسنه) أتوقع وهاذا الصحيح أن كل حرف حسنه والآيه فيها حروف كثير والحسنه بعشر أمثالها تبارك الرحمن يعني فضلها عظيم جداً (كل حرف فيه حسنه)

احيانا الحياة الزوجيه يصير فيها جفى وبعد وبرود ويدخلها الملل واتوقع هذا السبب ..بالنسبه لي اهم شي الإحترام والتقدير المتبادل هذا اللي يجيب الحب وتستمر الحياه والعشره معه
اما الحب بدون احترام ولا تقدير ما تجي معه لا حياه ولا عشره..
للاسف اغلب رجالنا او بالاصح مجتمعاتنا تربينا على الحياء وعدم التعبير عن المشاعر ما شفنا من الاولين الله يسامهم غير الشتم والمطاقق وطلعنا على كذا
الحمدلله ارجال اليوم رحمه ودلع على ارجال اول...
احياناً مرور الزوجين بظرف نفسي او مادي او اجتماعي ايا كان يخلي هالشي يقرب بينكم وتعرفون معزت بعض


انا اقولك على شي صار معي زوجي طيب وحنون وماله بالحرام ولا الحريم وايش ما طلبت يلبيه لي ولا ينقص علي ومافي منه بس مشكلتي الوحيده معه ما يعرف يعبر عن مشاعره لي ابداً ولا يحسسني بأنوثتي وجمالي الكل يشوفها الا هو كأنه معمي عني وهالشي تعبني فيه مهما سويت له ما ينتبه ابداً
تأقلمت وتعايشت مع هالشي لكن حاسه بنقص... بعد عشر سنين رزقني الله بالحمل وبعد ست شهور ولدته وتوفى... تدرين هالموقف قد ما كان محزن وموجع لنا الا انه خلاني اعرفه على حقيقته وراني قيمتي وغلاي عنده
كان يبكي على راسي من تعبي ومن المضاعفات اللي حصلت لي كان يقولي كلامه عمري ما سمعته يبكي يقول المهم انتي الولد نعوضه.. تعبت نفسيا ثلاث شهور وهو جمبي ما خلاني ولا لحظه جننته وتعبته نفسيا معي.. لكن كان صابر علي وما يحسسني بشي ابداً ضليت بعدها سنه ونص وانا بحالة اكتئتاب ما خلاني وقدر لي كثير امور ما كنت اتخيله يسويها عشاني


الله لا يحوجك لموقف او تعب يوريك غلاك... لكن لازم نفهم ان الأزمات والمواقف الصعبه احيانا تكون ب،اية قرب بينكم وتكتشفين شي تتفاجأي فيه... كل شي يجي مع العسره والكلمه الطيبه بس اصبري