اللي كان خطيبي

اول مادخلت الجامعه تعرفت على وحده وخطبتني لاخوه اسجمنا انا واخوها كثير مع بعض وحبينا بعض بس بعد فترة  سارت مشاكل بين اهلي واهله وقلي راح اوقف بوجه الكل عشان ما اخسرك وراح اتحدى الدنيا كلها  دي حياتي الخاصه ومحد له دخل فيها  ومستحيل اتخلى عنك وطمني 
وحتى اخته اللي بالجامعه ماسرت اكلممها المهم اني تعلقت فيههه مرة
وانا اللي كان مايهزني شي المهم فجأة الرجال تغير واسأله ويتعذر طبعاً انا نفسيتي سارت زفت  لحد ما جاء وقلي خلاص امي وابوي مقدر ازعلهم ومريضين وانا خلاص بخطب غيرك طبعاً انا هنا انهرت طيب ليش توعدني وطمني وتخلين اثق فيك وين الحب والعشرة المهم انه خطب وكسرني وسار يترجاني اكلمه والله انه من بعد ما خطب وهو يترجاني وارده وما مل يقول كل شي غصب عني ماني مبسوط وتزوج وبعد زواجه بشهر رجع يترجاني بس ارد عليه ويبكي ويقول انه مو مرتاح قلت وينك لما كنت انا ابكي واقولك لاتتزوج دحين أجل الموضوع قال والله مو بكيفي قلت انتا كنت تقول حياتك الخاصة ومحد له دخل فيها قال والله موبيدي المهم انه شرحلي ظروفه مع زوجته  وفكرته يكذب بعدين وصلتني اخباره انه من جد مو متفقين وحياتهم صعبه كل دا مايهمني لانه لو يسير اللي يسير ماحنتزوج بس سنين وانا مو قادرة انسى سنين وانا مجروحه ومكسورة ولازواج ولا وظيفه احن له كثيرر ولا اعرف كيف اتصرف ابي حل ؟
ومعقوله سبب انه ما انبسط بحياته من حوبتي ؟
ومعقوله ماخلف لاني احبه ؟
وقبل يوميت وصلي رساله مع قريبته قال (قولي لها غيرها ماحبيت )
يحبني !!معقولة يحبني طيب ليش تزوج ؟ معقوله من جد مغصوب ؟
ماعنديي خبرة بالرجال بس معقوله هدا حب ولا حاس بالذنب ..
في فترة خطوبته يترجاني وقبل زواجه باسبوع يترجاني وبعد زواجه بشهر يترجاني معقوله ما حب ولا تأقلم مع زوجته انا خايفه سبب اللي هو فيه من دعوة غضب مني ..
ارجوكم ما اسامح اي وحدة تدخل تتهجم عليا 
عندك كلام طيب قوليه ماعندك ارفعي الموضوع وأدعيلي بالوظيفه واخرجي ..




وشكراً مقدماً