اللي كسلانه وما تشتغل تجي هنا امعط اذانيها وانتي يالسنعه ساعديني

اولا ،السلام عليكم ورحمه الله وبركاته. موضوعي اليوم لكل وحده كسلانه ومنسدحه قدام التلفزيون او على جوالها والبيت من حواليها محيوس والبزوره يجرون في كل مكان ويكبكبون عصيرات والرجال حايس يدور أغراضه اللي ذابحها الكسل ووضعها مخربط تجي هنا عشان امعط اذنها. :024: يعني لين متى وانتي على حالك ليش عيالك يجلسون وسط القمايم وزوجك ملابسه وسخه ومطبخك بارد ماتطبخين شي 0واذا رحتي عند خلق الله عيالك يغثونهم لأنهم طبعامؤ متعودين احد يخاصم ويهجدهم مؤ متعودين احد يقول لهم كيف يأكلون بأدب وماينثرون الأكل ترى تستمرين كذا مع الأيام تكتشفين انك كونتي أسره همجيه ويسير صعب تعدليها 0تعالي أقولك لازم في البدايه تتوكلين على الله وتحتسبين الأجر في شغلك ،نظمي نومك واصحي بدري افطري عدل وقومي على شغلك المطبخ لازم يتنظف غسلي المواعين بكلوركس وفيري ومسحي الدواليب فتشي الثلاجة لايكون فيها اكل خربان رتبيها واغسليها من جوه ومسحيها من بره ارجعي على الفرن مسحيه خاصه اذا انكب حليب ولاسويتي بيض وانعدم لمعيه واشطفي الأرض ،خلصتي من المطبخ ارجعي على الحمامات بجل العملاق وكلوركس أغسليها وشطفيها وبعدين صبي في الأركان شويه مطهر رتبي السله وغيري الزبالة ولمعي المرايه ادخلي الغرف غرفه غرفه افتحي الشبابيك وكنسيها ورتبي الدواليب ولمي الملابس الوسخة وحطيها في السله لمعي المرايات ومسحي الدواليب لمي القمايم اللي في الارض 0خلصتي من التنظيف سار لازم تحافظين على بيتك لا تسمحين لعيالك يمشون ويأكلون اذا أعطيتيهم اكل خليهم يجلسون في مكان واحد لين يخلصوا ،علميهم ينظفون ورآهم ،حافظي على نظافه عيالك من يوم يكون طفلك صغير ملابسه لازم تكون نظيفة، وجهه نظفيه فراشه اللي ينام عليه وبطانيته كمان عشان يتعود على النظافه ، فهمتوا ترى ما تكلمت الا من اللي أشوفه اطفال وسخين وبيوت ريحتها طالعه ما تدرين وين تحطين رجلك،يلا يا حلوات كل وحده تهز أكتافها وتشتغل ترى النظافه من الإيمان 0وسلامتكم :biggrinlo