السلام عليكم
بدش بالسالفه على طول
وهو ان زوجي كان عنده جيب وسيارة صغيره
قال بساعد اخوي بزواجة وبااع الجيب 100 الف والله ماشفت الريال لا انا ولا اعيالي ولابيتي
وكلها اعطاها اخوه وتزوج بلا دين واجر لنفسة مع العلم اخوه اكثر راتب من زوجي وتحته سياره ملك وكاله ,,
والحين اخوه توظف بمدينه ثاانيه تخيلو ايش عمل زوجي عطااه السيارة الصغيره يقول حرام مصااريف
انا بالديره وربك يحلهاا / طلب من اخوه اللي زوجة يسحب من البنك ويشري له سيارره
تخيلو ردة فعله قال مااقدر اعطيك اجحده /ابي اشري لي ارض انا عاايش بااجار
مع العلم احنا بشقة فوق اهله لا ارض ولا بي ملك وكل شوي الشايب يطرده..
وقلت لزوجي الحل ...؟ قال الله لايشكر لهم فضل
وهذا حنا عايشين لابيت ملك ولاسياره واعيالي اثنين يدرسوون وكل صبح زوجي يروح لبوه ياخذ سيارته ويودي العيال وبالرجعه يجيبهم جارنا مع اولاااده
حسبي الله ونعم الوكيل فيك ياازوجي .. ياللي ماتعرف مصلحة نفسك
مدري اسميها سكاانه والا ضعف شخصيه .. مع العلم رااتبه اربع الف يااادوب يكفي مصاريف البيت والصغار
بالله وش اسووي الصغار يبون طبيب يبون مكتبه نبي نسير نبي سووق ماافي سيااره
والله مدري وش اقوول اشد شعري على هالبلووه زوج مايعرف مصلحته ولا مصلحة اعياله والله طاح من عيني واستصغرته ...:icon33: ليه يعمل كذا
حتى قلت له لابس ثوب وشماغ وتمشي على رجليك اللي من ايده الله يزيده الحريم الحين يطالبن بالسوااقه ومالكات سيارات وانت كذا .. ورحت عنه
المثل يقول اللي يتدين ويدين انا اشهد انه خبل ومبين / دين السيارات للحين على ظهره
ولا عندنا بيت ملك / احس انا ضاايعه ماافي مستقبل لعيالي
هذا الرجل كيف افهمه كيف اخليه يعرف مصلحته والله طقت مرارتي ..
لاتقولون هذولا اخوووانه الاثنين موظفين واحسن من رااتبه / اللي زوج نفسه بلا دين والسياره تحته
واللي مايبي ياخذ الدين عشان يجمع لعرسه والسياره من اخووه
طيب واعيالي ولنفسي وش لنا ..؟
وزوجي لا بيت ولا سياره ودين عرسه للحين برقبته ولامصروف متسنع لي ولعيالي وبس يشكي الدين والفقر وكل شووي ياخذ من البنك ويشري سيارات وصار لنا عشر سنوات على هالحال دين في دين
ابي كلام افهمه به والله مصدومه تعبت من حركااته الساذجة ..
أناوالصمـــت @anaoalsmt_1
كبيرة محررات
يلزم عليك تسجيل الدخول أولًا لكتابة تعليق.
لاتستبعدي انو اخو زوجك يطلب زوجك سلف بس هوا ما قال لك . هما كده مابيتكلموا وبيعملوا نفسهم كرماء عشان ما تتحقريه لما بيقول كان متسلف
وضعك فعلا بيضايق ربنا يعينك مالك الا تستغفري وتدعي ربنا
وضعك فعلا بيضايق ربنا يعينك مالك الا تستغفري وتدعي ربنا
لله يفرج همك يارب
استغفر الله العظيم واتوب اليه لي ولذريتي وللمؤمنين والمؤمنات والمسلمين والمسلمات الاحياء منهم والاموات الى يوم القيامه
استغفر الله العظيم واتوب اليه لي ولذريتي وللمؤمنين والمؤمنات والمسلمين والمسلمات الاحياء منهم والاموات الى يوم القيامه
الصفحة الأخيرة
سبحان الله العظيم