قصتي مع القران
بصراحة كان حلمي وأنا في المتوسط اني أحفظ القران بدأت لوحدي حفظت حمسة الاحقاف ولله الحمد وبعدها بفترة سبت الحفظ لاني مالقيت من يعينني وياخذ بيدي.....
عالعموم مرت الايام وتخرجت من المتوسطة والحمدلله ..دخلت الثانوي وماكنت أتخيل اللي صار..
مرة رحت لوحدة من المعلمات كنت أبغى اوريها شي وأخرج بسرعه .. أخذنا الوقت والكلام ودحلنا موضوع في موضوع ولحد ماسألتني انت في تحفيظ قلتلها لا..
بعدين قالت لي : طيب ليش ماتدخلي ؟
قلت: أبويا رافض فكرة مدرسة وتحفيظ مع بعض وأنا أتمنى اني أدخل تحفيظ
قالت : خلاص انا أبدأ معاك ..
بيني وبينكم والله ماصدقتها من كثر ماني مبسووووطة
وبدأت معاها فعلا من سورة البقرة ومرت الايام وخلصت أولى وثانية ودحين أنا ثالث..
مرت فترة اتلهت عني معلمتي وماصارت تسألني فين وصلت في الحفظ؟
لكن بصراحة أنا لو الدنيا كلها بيدي أهديها لها لاني حققت على يدها أعظم حلم كنت أحلم فيه
مرت فترة وأخذت عهد على نفسس إني أبلغها بختمتي
أول يوم في الفصل الثاني دخلت عندها وبلغتها بإنجازي معاها من سنة أولى
والله اش أقولكم على ردة فعلها هي اللي جلست تبكي مو أنا...
لان بصراحة شي راااااااائع لمن تشوفي ثمرة جهدك نبتت
وأنا دحين حتخرج وأول انسانة حبكي عليها لانها كانت زي ماقلت لكم أول وحدة أخذت بيدي للطلريق اللي أبغى أوصله وأسأل الله ان يجمعني فيها في الفردوس ويجزاها عني ألف خير..
ونصيحة مني للي محصلة أخت تعينها على الحفظ لاتفرط في القرآن لانو نعمة كبيرة مايحس فيها الا المحروووووووم
لاتنسوني من دعواتكم انو الله يثبتني ولاتنسوا أبلتي من دعواتكم كمان:26:
بحر الطموح @bhr_altmoh
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
الله يهنيكـ يااختي ويبلغني حفظه يارب