الاخوات كفوا و وفوا

:) اختي الشامخة الخالدي شلونك ؟؟ عساك طيبة ؟؟ :)

شوفي اختي بالنسبة لموضوع زواجك وعدد خطابك فالحق عليك!!!

المفروض انك تحيطين مثل هالمواضيع بالكتمااااااان وماتتعدى حدود بيتكم الى ان يتم الموضوع ..

وحتى لو رفضتِ الخاطب المفروض ماتعلمين احد بعدد من خطبوك او باسمائهم او بالموضوع كله .

وكمان لاتعلمين احد انك تتعالجين بالرقية الشرعية ..

الرسول صلى الله عليه وسلم قال (( استعينوا على حوائجكم بالكتمان ))

وحتى اذا عافاك الله وشفاك كمان استعيني على حوائجك بالكتمان

ولاتتطرقين بالتفصيل للتغيرات الايجابية بعد الرقيه الشرعية

ولكن اكتفي بالقول (( الحمد لله أو ماشي الحال ))

خلي ردودك عااااايمة

لاتكفرين النعمة وتجحدينها ,,,ولا تستعرضين ظروفك عند الناس ويفطنون لك .

نجي للمشكلة الأصلية :::

### انت قلت انك قوية شخصية _ماشاء الله تبارك الله_ يعني الأساس موجود .

### كمان انت ماقصرتِ في التطنيش والتغاضي عن كلامهم الجارح واحتسبتي الأجر ..

###وامتثلتِ لأمر الله سبحانه وتعالى (( والكاظمين الغيظ والعافين عن الناس والله يحب المحسنين ))

###وامتثلتِ لأمر الرسول صلى الله عليه وسلم (( ليش الشديد بالصرعة ولكن الشديد من يملك نفسه عند الغضب )).

ولكن هذا لايتعارض مع كونك المفروض تردين ردود مفحمة توقف المخطئ عند حده .

ولكن بدون جرح لشعوره وبدون مشاكل توجب القطيعة ..

انما رد اعتبار لك .. خاصة ان صحتك بدأت تتأثر بكلامهم !!!!!!!

يعني الشيمة والحشيمة ماتنفع مع هالنوعية !!!

خاصة انهم بدأو يتجاوزون الأدب معك وصار هالوضع هو السمة الغالبة في كلامهم.

لك خيارين لاثالث لهما :::

أولا ::: أما انك تستمرين على طبعك الرائع من سكوت وتجاوز .

ولكن تسكتين وانت شااااااامخة :27:

مو تسكتين ووجهك اصفر وعيونك تغورق دموع !! :44:

خليهم يعرفون انك مطنشة كلامهم بمزااااجك .. وانك تترفعين عن الرد عليهم ..

وانهم ماقاموا عندك ولا قعدوا .. ورأيهم فيك لايمثل شئ في حياتك .

ثانيا::: انك تردين عليهم ردود مفحمة بأدب وبدون تعدي

_وعشان اكون صادقه معك انا في اثناء المواقف ما تسعفني القريحة دائما بردود مفحمة ولكن تجي الردود بعد الموقف بكم يوم _ :hahaha:

المهم ان كل كلمة تجرح يقولونها حاولي تردي على طووول برد مفحم بس بأدب .

مثلا :::

يوم قالت لك انك نحس ويبي لك كوي .. كان قلتِ لها وانت ِ تبتسمين ابتسامة باااردة

وقولي لها <<< تكفين يا وجه الخير شكلي انا اللي بكويك .

اذا قالوا لك على وشو خطابك كثير ... تبوسمي ببراءة <<< وقولي لها ياغيووورة الله يعينك ترى الغيرة توجع.

اذا قالوا لك انك ناااحفة <<< قولي بكل ابتسامه اييييييييه لاحقة على السمنة .

اذا مرة انزنقتِ ومااسعفتك القريحة بــ رد يبرد القلب قولي لهم (( ليتكم كلكم مثلي )) :)

ولكن حبيت اذكرك يا اختي انك تردين عليهم فترة فقط ..

الى ان تستعيدين احترامك ووضعك ومكانتك وتفرضين هيبتك عليهم .

وبعدها ترجعين لكظم الغيظ والعفو عنهم وخذي اجر الاحسان .


فيه ابيات دائما ارددها وهي رااااااااائعة ولعلها تفيدك في مشكلتك

بعض البشر طبعه مقدر ومحشوم ...وبعض البشر عيب علينا احترامه

واللي ستر عيبه عن الناس بهدوم... وش يستره لا صار عيبه كلامه

اضحك ولا كل الوجيه احترمها... بعض الوجيه أهينها بإبتسامه



الله يوفقك ,,, ويرفع عنك,,, ويسخر لك من يخافه ويتقيه ,,,

ويعجل بشفاءك,,, ويعجل بزواجك,,, ويجمعك مع زوجك على خير ,,,ولايجعل للشيطان عليكم سبيلا ,,,

اللهم عاجلا غير آجل اللهم عاجلا غير آجل

طمنيني عليك :26:

خليكي شامخة مثلما عهدناك لكن ردي عليهم ببرود يالغلا

شنو يعني افريقيه بيضا ؟؟ مافهمت
اختي ردي بوقتها ولاتخلين بقلبج شي اي وحده ترد عليج قولي لها بضحك ودلع موتي حررررررره وضحكي ولا تعطينها مجال ترد وخليها وروحي انشغلي بشي ثاني او قلبي الموضوع مع وحده ثانيه عشان تموت بحرتها

الحمد لله على السلامه اولا
ثانيا ... انتي رائعه ومحترمه لكن للاسف الناس يعاملون الطيب بخبث ويتعدون عليه لذلك ردي مره وحده بعنف وبتشوفين بعد كذا ولا وحده بتتجرا عليك وتعمل لك الف حساب لانها بتعرف ان فيه رد قوي بيجي في وجهها