السلام عليكوم ورحمة الله وبركاته ...
الله يشملنا برحمته ويكتبنا ووالدينا من العتقآء بدآ اليومـ ..قولوآ أمين.
هدا الموضوع من فتره نفسي اكتبو بس الشغل تعبني ) كثري منها خخ
كلامي هذا للحلوات اللي لسه ما اتزوجوا بالذات الصغار ( 17_30)
احس البنات مفجوعين ع الزواج لدرجه سرنا نتناازل عن اشياء كانت اساس
بالرجل اللي راح نرتبط فيه وتوصل الى انو نتنازل عن حقوقنا بعد الزواج
كانها سلسه وبدات تنفرط تنازل يجر تنازل لدرجه تشكي انها ادميه وعندها احساس
لمن توصل لمرحله انو شخصيتها تنطمس بس عشان هيا شايفه نفسها بنعمه انها متزوجه
بطلنا نحس انها ممكن تكون رحمه من ربناا اقول نحس ونستشعر مو بس كلام نقولو والسلام
ما علقنا قلوبنا بربنا وتركنا الدنياا اللي كلها هم وغم وقولنا يارب ادا الزواج فيه خير لنا يسره
وادا شر اصرفه وارضي قلبي واملؤه بحبك وطاعتك ..
لمن يكون اللي حولك كلو اكس في اكس (والكلام كلو فلانه اتزوجت وفلانه عنست ويدقوكي بالكلام
هدول ناس ما انجزت بحياتها همها القيل والقال والتحطيم مو اكتر
........أنا ابغى اسالك سؤال مو اكتر اتمنى كل وحده تجاوب عليه ***
انتي كم سنه وانتي جالسه وحاطه يدك ع خدك وتستني رجال طالح ولا صالح ماتعرفي بس عشان تتزوجي !!!
خلال هدي الفتره سنه او اكتر او اقل ايش سويتي بحيااتك !! ايش انجزتي لدينك لنفسك لاهلك لمجتمعك
حفظتي احاديث .قران. اتصدقتي .طورتي نفسك هياتي نفسك للزواج عرفتي كيف تديري اسره مسلمه
كيف تكون تربيه الاولاد كيف تتصرفي في المشاكل الزوجيه عشان ماتزيد نسب الطلاق اكتر
سويتي زيارات اسبوعيه شهريه لبنات العيله والصحبات ترفهي عن نفسك
حاولتي تطوعي تسوي حاجات تنفع الحي اللي انتي فيه
لاتدفني نفسسك لاتدفني نفسك يرحم اهلك فكري بشي تاني غير الزواج انتي عندك
طاقه وفراغ وصحه راح تتحااسبي عليها استغليها صح
مو ندمر نفسنا واحنا بس تفكيرنا بالزواج والله حرام ماينفع كدا
لا وفوق دا الصبر والنفسيه زفت يجي واحد يكرهك عمرك ايش استفدتي ع كدا
لا ما ضي ولا مستقبل ...
خلي الناس تفتكرك بخير ادرسي اشتغلي انجزي اشغلي وقتك
واللي عندها قدره وكبيره ليش ماتتبنالها طفل وتلبي رغبه الامومه عندها
اعرف وحده وكتير زيها والاوضاع تمام
حبي نفسك لاتعامليها الا بالحب والرفعه ..
لو جاكي اكتئاب ونفسيه ما احد نافعك وربنا ماكان كاتبلك تتزوجي ماراح تتزوجي
فليش دي البهدله ..
مشكلتنا معلقين نفسنا بالدونيااا وهياا ممر اللي ما اتزوجت هنا تتزوج بالاخرهـ
هيا الحياه االلي باقيه ..
خدوهآ نصيحه ::::: ازهدوا بالدنيآ واتوكلي ع ربكـ وهيا تجري وراكي :::
اعرف اني قرقر كتير عشان كدا اعتذر من صمامات قلبي متعوب عليها الصمامات خخ
بس والله نيتي انو نفسيتكوم تطمن وترضا عشان نرتاح مو اكتر
وربي يوفق الجميع ...
تسلمي يالغاليه
والحمد الله بديت تقريبا من سنتين اطبق كلامك وماافكر بالزواج ابد وعايشه حياتي وراضيه عنها ولله الحمد رغم اني قربت 30
احيانا تجي فترات اتمنى اكون على الاقل احس بالامومه ويكون لي اطفال اما الرجال غاسله يدي منهم مافيهم خير الا القليل منهم
يعطيك العافيه ^ـ^