اللي لها خبرة بتوفير المصروف ياليت تساعدني لها دعوة من قلب ان الله يوفقها

على مقدار لحافك مد رجليك
وأنت الأجدر على على التوفير

UP

الله يعينك ويعيننا سوينا ورقه خاصه بالمصاريف وقلنا نمشي عليه ولا قدرنا كل شي زاد سعره
وتجي احيانا ظروف تجبر الشخص انه يدفع زي مستشفى وتصليح سياره عزيمه مفاجئه

نصيحه بالنسبه لفاتورة جوالك اتركي الاتصالات السعوديه وخوذي شريحة زين اوموبايلي صدقيني راح توفرين كثييير انا كنت اسدد فاتورتي كل شهرين ب 400ـــــــــ 500وصار لي شهرين معي شريحة زين ( الي شهر علينا وشهر عليك)وشحنتها الشهر الاول ب160 وشحنوها لي الشهر الثاني ب160ريال يعني في الشهرين ماخسرت الا 160 ريال فقط ومكالماتي ورسايلي نفسها ماتغير شي!!
شفتي الفرق..
وبالنسبه لاغراض البيت اكيد الجمله اوفر واستفيدي دايما من العروض الي في الهايبر ماركت
وجيبي لك ورقه وقلم واحسبي مصاريف كل ولد من اولادك واحتياجاته من قرطاسيه وملابس وغيره بعدين حددي له مصروف ويكون معك مثلا ميتين ريال كل شهر طبعا يمكن فيه كم شهر يمكن ما يستهلك الا 50 ريال( بحكم ان كل شي شريتيه له بالجمله مثل القرطاسيه وغيره) مثلا يعني بعد 3شهور يصير عند الولد 450 تاخذينها وتشترين له فيها ملابس للموسم (للصيف او الشتاء)
وحددي بنود للراتب في كل شهر يعني:
1_مبلغ لمصروف البيت
2ــ مبلغ لاحتياجات الاولاد(هذا الي قسمتيه عليهم)
3ـــ ومبلغ للطلعات والترفيه(وطبعا انتم مو كل شهر بتطلعون رحله بس افضل اقتطعي لهذالبند كل شهر وبعدكم شهر يجتمع عندك مبلغ حليو تاخينه وتسافرين سفره حلو ه مدتها تعتمد على المبلغ)
4ـــ مبلغ للصدقه لازم علشان الله يبارك لك في الراتب
5- مبلغ للفواتير
6- مبلغ لراتب الشغاله او السواق(حتى لو ما كانت تبغاه كل شهر لازم تقتطعينه وتحطينه في ظرف علشان مايتراكم عليك.وايضا اذا حابه تقدمي على شغاله جديده لازم قبل سنه توفرين مبلغ كل شهر وتحطينه في ظرف او في البنك علشان ماتتوهقين وتظطرين تتسلفين وانتي عندك راتب)
7- مبلغ ادخار ( ما تصرفينه الا للضروره القصوى وتشوفين بعد سنه كيف جمعتي مبلغ محترم ما توقعتيه)
8- مبلغ مصروف خاص لك
9- اي مصروفات ثانيه على حسب ظروفك ووضعك
طبعا بعد ما توزعين راتبك في الورقه بتلاحظين كيف ان المبلغ بيغطي جميع البنود ( بس صرفنا العشوائي هو الي يضيع الراتب!!)
اتمنى اكون افدتك لو بشي بسيط..

صدقتي والله


اختي اخير

كفيتي ووفيتي فعلا معلومات رائعة ان شاءالله اطبقها جزاكم الله خيرا بس تتوقعين الاربع الاف تكفي