اللي لها خبره مع الخدم الفزعه تكفون

السلام عليكم حبيبتي
اولا: اسألي الله ان يطعمك من خيرها ويكفيك شرها
ثانيا:احسني معاملتها واحتسبي ذلك عند الله لاتقسين عليها وتشدين فتطفش وخاصه انك مجربه الغربه ولا تلينين مررررررره خلك حازمه وفيك لين وابتسامه وسبحان الله اذا احسنت نيتك في معاملتها ستجدين ذلك عندها وتكون هي معك حبيبه
ثالثا: رتبي لها جدول متى تصحى ومتى تنام والشئ المطلوب عمله يوميا والشئ اللي تسويه اسبوعي واللي تعمله شهري وافضل شئ انها تنام بدري وتصحى بدري صح مافيه شغل كثير يحتاج انها تصحى بدري ولكن لكى تنام بدري وتاخذي راحتك انتي في اللبس اذا نامت وتاخذي راحتك مع زوجك لان البيوت صغيره وماتقدري تاخذي راحتك اذا كانت صاحيه يعني تنام قبل وقت نومكم بفتره
انا اعرف انها اذا صحيت بدري راح تسوي اللي عليها وبعدين تمل بس عندى لك اقتراح اذا كان عندك اطفال نوميهم كمان بدري علشان يصحوا بدري معاها يعني على بال ماتسوي شغلها الصباح ولاهم قايمين تفطرهم وتنشغل معاهم منها انه اصح لهم النوم مبكرا والاستيقاظ مبكرا وايضا انتي ترتاحي وتريحي زوجك منهم في الليل مع العلم اني ماااوئيد اللي تنوم اولادها مع الخادمه يكونوا لوحدهم ولا معها لانهم فلذة اكبادنا ولا نضمن تحملها لهم واهتمامها فيهم خليهم عندك او في غرفتهم واذا صحيوا يطلعوا.
واهم شئ كل شئ تسويه خليك زي المشرفه عليه علشان تعرف ان وراها وحده حريصه ولاتقعد تلعب عليك او تسوي شئ من وراك ولاتتكلي عليها في كل شئ
وحطي في بالك انها انسانه وتحس زي مااحنا نحس وتتعب ويجيها اوقات تتعب نفسيتها وتطفش وانتي راعي شعورها واتوقع انك اعرف مني بهذا لان احنا مجربين الغربه وماهي سهله مع ان المفروض ان احنا مانسمي غربتنا غربه لان احنا ولله الحمد مع ازواجنا واولادنا معززين مكرمين اذا بغينا شئ حصلناه كل شئ متيسر اللهم لك الحمد والشكر هم المساكين اللي صدق في غربه الله يكون في عونهم
اسفه اذا كنت طولت عليك بس حبيت اني افيدك بما عندي

الله يجزيس الجنه يارب اختي غار حراء وماقصرتي
وين الباقين ياكافي الشر ولا اشاني عضوه جديده محد عطاني وجه غير اختي
غار حراء

اختي DAINH

انا معي شغالتي

و الصراحه هي مريحتني عالاخر.. فقط لاني انا مريحتها ..

لان فاقد الشئ لايعطيه .. اذا شافت منك الاحترام و التقدير راح تبادلك اياه

بصراحه انا شغالتي قايمه بشغلها ماشاء الله تبارك الله و اكثر من المطلوب ..

مع العلم بان احتكاكي معها قليل و كلامي معها قليل لان حتى هي قليلة الكلام ..

وبما اني في ديرة غربه و محتاجتها فانا اعاملها معامله ماتتخيلينها ..

حتى هالشتا هذا اشتريت لها روب بيت نفس روبي اللي البسه اللهم اختلاف اللون :27:

مرات بعد مايطلع ابو العيال البسه قدامها بصراحه لانه دافي و مريح و منه عشان تحس اني اعزها و مافي فرق بيني و بينها عالاقل اداري شعورها لو بيني و بينها فقط

المهم .. النقطه الاهم

اني دايم اذكرها ان احنا مسلمين و لازم نحذر من الامريكان كل الحذر

يعني لاتفتحين لحد الباب و لا تكلمين حد و دوم ابين لها حرصي الشديد منهم

لانهم مايحبون المسلمين .. علشان ماتفكر في الهرب :30:

الصباح بعد ماتنهي من شغلها و يروحون العيال المدارس اقول لها اذا خلصتي شغلك نامي

لانها تكون كاويه و غاسله و ماعندها شي فحرام اخليها تجلس حاطه يدها على خدها

فديت محمد حبيبي يطول بالنوم يصحى 11 وانا ارجع انام معه فالصبح ماعندها شي

والله مرات ماتنام تجلس تشوف التلفزيون و البيت يلق من النظافه و كل شي جاهز


يعطيك خيرها و يكفيك شرها :39:

حياس الله اختي شموخ
ماشاء الله الله لا يضرس وتسلمين ياعمري على ردس الجميل
انا شغالتي كافره استغفرالله وهي فلبنيه بس لو تشوفونها مهتمه بنفسه لاخر
درجه جايتني لبسه جينز وتي شرت ماركه وفله الشعرواذا جاء وقت النوم تلبس بجامه :D ولله مااكذب
لا وازيدكم من الشعر بيت تستخدم كريمات ومعطر للجسم من فكتوريا سيكرت
يعني فلبنيه متمدنه
انا جبت لها لبس يونوفورم زي لبس الممرضات وغطاء للشعر وقلتلها هذا لبسك
في البيت بس ابي اسئلكم انتم كذا اتسون مع شغالتكم ولالا
لاني خايفه انها تطفش وتهرب الله يستر ويكفيني وبنياتي شرها امين يارب العالمين :(

ايوه انا تغطي شعرها في البيت و برا

و لبسها الخاص بصراحه ماخليته تجيبها معاها هنا في امريكا

بس تبين الجد انتي غلطتي لو جايبه اندنوسيه او هنديه مسلمه افضل بكثير

الله يتمم عليك بخير و يكفيك الشر

دايما اقري واطلبي من ربك ييسر امرك و يسخرها لك

بالتوفيق يا عمري :)