قهوة حلوة @kho_hlo

محررة ذهبية

اللي ماترشحوا بجدارة يدخلوووون فقط ارفعي الموضوع بدعوة الله يرفع قدرك دنيا واخرة

السلام عليكم ورحمه الله وبركاته
حبيباتي
بنات وامهات وزوجات وجميلات

بقول لكم كلام خلوه حلق باذانكم على قوله اخواننا المصريين كلنا عارفين الظلم اللي سار والواسطات اللي بغير حق
حتى نقول واسطه اسم والا اسمين مو عوائل كاملة وبالبيت 2 و3 واشوف كثييير منكم ابدوا غضبهم وزعلهم وهذا امر طبيعي وماحد يلومك عليه بس اللي استغربته كمية القهههر بالرد لدرجة كان الوحدة مو راضية بقضاء الله اللي قسمها له لاتقولون هذامو قضاء الا هذا مقدر ومكتوب لك وانتي ببطن امك وكلنا عارفين ان من اركان الايمان الايمان بقضاء الله وقدره خيره وشره

انا مثلكم والله لاتقولن تاهلت ولاترشحت فيني قهر بس وش اسوي اتسخط اقعد اتشكى تشكيت وتكلمت وبعدين مهما قلتم وانتم عارفين ماحد بيحرك شي بس انا استوقفتني ايه بالقران والله لامست الجرح فيني بشكل ماتتصورونه

قال تعالى (وان يمسسسك الله بضر فلا كاشف له الا هو ) طلبتكم ركزوا بمعنى الاية شوي
احنا للحين متضايقين ومقهورين صح !!!اجل احنا مسنا ضر طيب لحظة لو سمحتي تقولين لي وش الحل ؟؟؟؟؟

تشتكين يحق لك اشتكي اذا قدرتي بس الحل الاكيد موجود خلف المشكلة ( فلا كاشف له الا هو )
والا تفيد الحصر مهما فعلتي من اسباب فالمسبب الوحيد الله هو الكاشف عنك حتى لو كتبت بكتابك انك لن تتوظفين ابدا ورفعتي يديك للخالق الرحيم فبقدرته تتغير الاقدار ,

نكمل الاية تبووون قال تعالى ( وان يمسسك بخير فهو على كل شي قدير ) هنا لكي تعرفين ان الله لو اراد لك الخير والوظيفة والرزق فلن يمنع وقوعه احد لا واسطه ولا محسوبية ولا غيره فان كتب لك الخير فربي على كل شيء قديييييييير يعني قاادر لايعجزه شيئ

والاية اللي بعدها تلامس قلوبنا بعد ان حكم الله ان بقدرته يسمك الضر فلايكشف عنه الا اياه سبحانه جل جلاله ويصيبيك الخير ايا كان بمشيئته وحده القادر الرحيم ثم يقول تعالى ( وهو القاهر فوق عباده وهو الحكيم الخبير )
يالله يابنات تاملوا معنى الاية وعلاقتها باللي قبلها هو قاهر فوق كل عباده من اكبر ملك الى اصغر واسطه وهو حكيم بامور العباد اللتي يقدرها لهم خبير بمافي نفوسهم وماهو الخير لهم

وايه ثانية مشاببه لها حسيت وانا اقراها ان ربي يخاطبني يبين لي ليه اليأس والحزن بس شكلكم تعبتم مني اذا تبون اكملها قولوا لي والا انتم استنتجوها بنفسكم واكتبوا لي بفهمهم

الموضوع من اجتهادي وكتابتي واسمح بنقله ولكن من غير نسبه انما بقول منقول

يلزم عليك تسجيل الدخول أولًا لكتابة تعليق.

تسجيل دخول

فجرالماضي • 13 سنة

حسبناالله سيؤتيناالله من فضله وانا الى ربنا راغبون

أسيررررة الحب • 13 سنة

حسبي الله ونعم الوكيل على كل ظالم

قهوة حلوة • 13 سنة

أسيررررة الحب :

حسبي الله ونعم الوكيل على كل ظالم

حسبي الله ونعم الوكيل على كل ظالم

اميييين
الله يقر عينك بوظيفة حكومية يارب

حسبنا الله وكفى

غرررررررررروب • 13 سنة

صادقه وبعضهم الله يهديها تدعي على اللي طلعت اساميهم

طيب خلينا نفرض انها واسطه طيب يمكن تقديرها ممتاز

وتستحق الوظيفه ليه تدعين عليها

الله يرزقنا بالوظايف ولايحوجنا لاحد من خلقه

امين

ام اميــر • 13 سنة

الله يجزاك خير