الله يسعد اي وحدة تشجع على ابعاد الشغالات عن بيوتنا

انا الحمدلله اتخلصت منها من 3 شهور ومطبقة كل الكلام اللي قالته ام عزام

قبل ما تروح كنت اظن اني ما اقدر اتحمل الكوي لكن الحمدلله غسالتي عادية واغسل يوميا وعلى طول اكوي ما ياخذ ربع او نصف ساعة لان الملابس قليلة وعيالي فهمتهم كل سلة للون معين من الغسيل.وبعد كذا ارتبهم على المنشر تحت المروحة ومهمة اولادي يرتبونهم كل واحد في خزانته.

الشيء الثاني خفت ان ولدي الصغير واللي عمره 3 سنوات راح يتعبني بتخريبه ورميه لكل شيء لكن الحمدلله عيالي انزرع فيهم الاحساس بالمسوؤلية وكل يوم يتعلمون شيء جديد . و اتبعت معهم معلومة اول مرة اقراها في النت انا تعودت اقول للطفل انت ذكي رائع شاطر يعني امدح شخصه لكن الاصح انك تمدحين العمل اللي يقوم فيه يعني طريقتك في وضع الملابس حلوة مرة او ترتيب الغرفة فيه ذوق وفن.

انا موظفة اترك عيالي عند امي والحمدلله تقول ماشاءالله ما يتعبونها لاني متفقة معهم لو تعبوها راح اضطر اجيب شغالة وهم طبعا يكرهون الشغالات اكثر مني ويحبون الجلسة مع جدتهم.

ارجع من العمل وحدة ونصف او وحدة على طول على المطبخ ومندي الصينية على الفرن ياخذ ساعة استغلها في تنظيف الحمامات وبعد الغداء يساعدوني عيالي في تنظيف الاواني والمطبخ طبعا على السريع واللي في المدرسة يحكون وش صار معهم اليوم. بعد كذ لازم اريح ساعة وبعدها نصف االساعة اللي مخصصتها للكوي والغسيل اليومي.

وقت للبوفيه مع زوجي وعيالي بعد المغرب وبعد العشاء كل واحد يشوف اش باقي من مهام او يسلي حاله.

اعتقد فكرة التخلص من الخدم تعتمد على رغبة الاحساس بالخصوصية في بيتك وزرع الاحساس بالمسوؤلية في اولادنا اللي حتى كاسة الموية يرسل الخدامة تجيبها.

اذا حسيتي يوم بالهم او التعب تاكدي انه مو عشان ما عندك خدامة يمكن السبب تقصيرنا في الذكر .

والدعاء بالتوفيق للجميع

يابنات انا الشغل عندي مو مشكله وبامكاني اني انظف البيت واخلص شغلي بس انا مشكلتي واللي تخليني ماستغني عن الشغاله ,,,,,,,,,,,,,,,,,,,,,,,,,هي اني عندي 3 اطفال صغار الله يخليهم ويحفظهم نومهم قليل مثل ابوهم وراثه تكفيه ماشاء الله 4 ساعات نوم والصغير دايم تعبان فاتخيلو اكون سهرنه مع الصغير يا تعبان يا يبكي من التسنين ومانام الا الصباح ومايمديني انام الا الثانين صحو يبغو تغير ملابس واكل ولما اغيرلهم واوكلهم ابرجع انام يضربوني ويصحوني يبغوني معاهم يعني تخيلو مانام لاليل ولانهار وانا عالحال لمده سنتين اصبح نومي غفوات لدرجه اني من قل النوم صابني وانا بعز شبابي ضغط فصرت ادوووخ ونفسيتي معكره من قل النوم والنوم المقطع وصابني ارق لدرجه اني لما احط راسي عالمخده بنام اقول هاه الحين يقومون وفعلا بس اغفى الا واحد مصحيني وطبعا بعد مايجي الظهر اقوم اغديهم واشغل لهم الكرتون وادخل وانا الصغير الغرفه عشان انام شوي الا يجون عندي يلحقوني ويزعجوني والااسمعهم يتهاوشون وافز من نومي وافك بينهم ومايمديني اغفي نص ساعه الا يجي ابو الشباب من الشغل ويقول هاه وش عندك متسدحه انا ماعندي مراه صاحيه كله نايمه قومي اقعدي معي طبعا هو نايم طول الليل وطبعا يكفيه 4 ساعات لان زي ماقلت البلا منه وراثه نومه قليل,,,,,,, ااااااااااه ذيك اللحظه عاد انجن وانهار كل اللي سويته ولاذقت النوم ويقولي بس نايمه ..عاد انا متعوده عند اهلي انام 8ساعات بهدووووووء ,,,,,,,,,,,عشان كذا جبت الشغاله اسهر انا بالليل علي الصغير وانام بعد مايروح زوجي الدوام واذا صحو عيالي الشغاله تغير لهم ملابسهم وتوكلهم وتنتبه لهم وانا اقوم عاد الساعه 12 اسوي الغدا ولما يجي ابو شباب يلقاني مصحصحه ,,,,والا والله ماني مقتنعه بالشغالات واحسهم بس جالسات مافي شغل ومهما صرتي طيبه معاهم ماينفع وزي ماقلتو الشغل لقينا له حل من اجهزه مساعده وطرق تنظيم وجدول ترتيب مريح والاكل من تجميد وغيره بس المشكله اذا عندك اطفال صغار واشقياء ويسهرونك ومحتاجين عنايه ووجبات اكل بوقتها وانتي بديره بعيده عن اهلك ماحد يساعدك يمسكهم وانتي تنامين شوي عشان جسمك يرتاح وتقدرين تقومين بشغل البيت ,,,واما اذا جسمك طول الليل سهران فما فيك حيل تبذلين فوووق طاقتك هنا احس انه الشغاله ضروريه على حساب صحتك ولكن اذا عيالك الله هاديهم ونومهم طبيعي والفرق بينهم بالعمر كثير فاحس انه تستغنين عنها افضل.........معليش طولت عليكم وكتبت قصه حياتي بس عشان اوضح الصوره لكم,,,,,,,,,,,,,

ياريت يابنات تتكلمون موبس عن شغل البيت كيف نهتم فيه بدون الشغاله حتى الاطفال وهم اهم من الشغل اذا كانت اعمارهم من تحت 5سنوات ..........كيف نهتم فيهم من دون مانحتاج للشغاله تساعدنا

انا بيتي الحمد لله مو كبير غرفتين نوم وصالة وسفرة ومطبخ وحمام وعندي 3 اولاد صبيان واشقيييييييييييياء
وبعودهم على التنظيف دايما بس بمقابل مادي وبينظفو ممتاز وبعد ما يخلصو ويقبضوا الفلوس بيطلعو الالعاب ويوسخو من تاني
وهلا انا حامل وتعبانة وكنت بدات افكر اجيب وحدة تيجي مرة كل كم يوم تساعدني بس شكلي بعد الموضوع حغير راي
بس والله المشكلة مو بس في التنظيف انا اصلا زي الفل الحمد لله وما بقتنع بتنظيف اي حد بس في اشياء ما تعمليها الا ترجع زي غسيل الشبابيك ترتيب الدواليب وتليف المطبخ احس الواحد كل ما يعملهم يرجعو بسرعة لكني حاخد بنصيحتك وححاول اشوف جدول من جداول البنات يمكن ينظم لي الموضوع
انا جبت ناس يساعدوني قبل بس ما كانو مفيدين ابدا ولما بقول لزوجي بدي وحدة تساعدني بده اياني اجيبها لما يكون البيت وسخ
وانا ما احب حد يشوف بيتي مو نظيف انا عايزة انظف واجيبها تليف الشبابيك تنزل الستاير وتغسلهم لكن مو تنظفلي لاني الحمد لله مو محتاجاهام وبيتي حلو ومنمم مو كبير فليش اخلي وحدة تفكر انه هي الي منظفالنا بيتنا وهم اصلاشغلهم مو لهدرجة
وعلى فكرة من احسن الاشياء الي لازم ما نخليها التسبيح للزوج والزوجة قبل النوم ممتاز و احيانا زوجي يكون نعسان اقوله الله يخليك لو مرة وحدة حتى كفاية
لكن ما تفتكري لو جبنا حد مرة وحدة بالاسبوع يمكن معقول حقيقي مو عارفة
شكرا على موضوعك وكل ماتلاقي فكرة جديدة تساعد فيدينا

انا كانت عندي شغالة 10 سنين وبعدين شردت الله لا يردها

والحمد لله لي اكتر من سنتين بدون شغالة صح في البداية تعبت

بس والله بعدين اتعودت وارتحت وحسيت نفسي اني نشيطة وخفيفة وكمان حركت بنتي الكبيرة معايا ويصير تتعود على كده الين يجي

نصيبها والله حاسة اني مبسووطة لاني احس البيت كله بيعتمد علي زوجي واولادي الله يحفظهم ويعيننا عليهم

والله يساعدنا جميعا