lovelybride :

الله يسعد اي وحدة تشجع على ابعاد الشغالات عن بيوتنا انا الحمدلله اتخلصت منها من 3 شهور ومطبقة كل الكلام اللي قالته ام عزام قبل ما تروح كنت اظن اني ما اقدر اتحمل الكوي لكن الحمدلله غسالتي عادية واغسل يوميا وعلى طول اكوي ما ياخذ ربع او نصف ساعة لان الملابس قليلة وعيالي فهمتهم كل سلة للون معين من الغسيل.وبعد كذا ارتبهم على المنشر تحت المروحة ومهمة اولادي يرتبونهم كل واحد في خزانته. الشيء الثاني خفت ان ولدي الصغير واللي عمره 3 سنوات راح يتعبني بتخريبه ورميه لكل شيء لكن الحمدلله عيالي انزرع فيهم الاحساس بالمسوؤلية وكل يوم يتعلمون شيء جديد . و اتبعت معهم معلومة اول مرة اقراها في النت انا تعودت اقول للطفل انت ذكي رائع شاطر يعني امدح شخصه لكن الاصح انك تمدحين العمل اللي يقوم فيه يعني طريقتك في وضع الملابس حلوة مرة او ترتيب الغرفة فيه ذوق وفن. انا موظفة اترك عيالي عند امي والحمدلله تقول ماشاءالله ما يتعبونها لاني متفقة معهم لو تعبوها راح اضطر اجيب شغالة وهم طبعا يكرهون الشغالات اكثر مني ويحبون الجلسة مع جدتهم. ارجع من العمل وحدة ونصف او وحدة على طول على المطبخ ومندي الصينية على الفرن ياخذ ساعة استغلها في تنظيف الحمامات وبعد الغداء يساعدوني عيالي في تنظيف الاواني والمطبخ طبعا على السريع واللي في المدرسة يحكون وش صار معهم اليوم. بعد كذ لازم اريح ساعة وبعدها نصف االساعة اللي مخصصتها للكوي والغسيل اليومي. وقت للبوفيه مع زوجي وعيالي بعد المغرب وبعد العشاء كل واحد يشوف اش باقي من مهام او يسلي حاله. اعتقد فكرة التخلص من الخدم تعتمد على رغبة الاحساس بالخصوصية في بيتك وزرع الاحساس بالمسوؤلية في اولادنا اللي حتى كاسة الموية يرسل الخدامة تجيبها. اذا حسيتي يوم بالهم او التعب تاكدي انه مو عشان ما عندك خدامة يمكن السبب تقصيرنا في الذكر . والدعاء بالتوفيق للجميع

الله يسعد اي وحدة تشجع على ابعاد الشغالات عن بيوتنا انا الحمدلله اتخلصت منها من 3 شهور ومطبقة...