قسم صادقه عاد عقب مصايبهن كرهتن قسم بالله الوحده ماتدري وش تسوي

والله أنا موشايله إلا هم وقت النفاس ... ليه مانخلي حد من هالتجار يتبنى مشروع فندق النفساء ... كان يفك أزمه

يابخت من نفع واستنفع

روعه الموضوع

أنا كانت شغالة تجي وشغالة ترووووح
بس الصدق وربي الشاهد ماكنت مرتاحة في بيتي
ولا كنت راضية عن ترتيبة ونظافتة !!!!
صح كنت اوجهم واوقف معهم يتعدل الوضع ذيك الساعة
وبعدها ترجع حليمة لعادتها القديمة
شغل فوق لفوق ومشي حالك !
هذا غير الهواش معهم كل يوم ليش هذا كذا وليش ماسويتي كذا !!!
تعبت وجلست مع نفسي جلسة مصارحة !

قلت وبعدين ؟!
عندي شغالة لكن ماني راضية عن بيتي لا من ناحية النظافة ولا الترتيب !!!
وكل يوم ضغطي مرتفع .. وفوق هذا ادفع فلوس لوجع راسي !!!

جلست اكثر من خمس شهووور أفكر تفكير جداً في مسألة ترحيل الشغالة والإستغناء عنها للأبد !
استشرت نساء عاقلات .. واستخرت الله اكثر من مرة
و.. قررت ..!!

قررت اسفرها إلى غير رجعه !
وقررت أني ما استسلم مع التعب !
لآن بيتي دورين 8 غرف تحت و6 فوق و7 دورات مياة وانتم بكرامة
عندي 6 اطفال
وزوجي من النوع الإتكالي والله الموية بجانبة مايمد يدة ياخذها إلا أنا اقوم
واعطيها له !!


الحمد لله .. الآن صار لي شهور بدون شغالة وعايشة احلى عيشة في بيتي
ووالله العظيم بيتي صار انظف من قبل مية مرة وارتب وريحتة تفتح النفس !
حتى اغراض البيت سبحان الله صار فيها بركة
اول كنت اجيب اغراض الجملة والله من نص الشهر تخلص لآنها طوال الوقت تطبخ
وتجرب واي شيء في بالها تسوية
الآن صارت الآغراض تكفيني لشهرين !!
مع أني اطبخ واشتغل بس سبحان الله فيها بركة !!

تنظم وقتي .. واولادي صاروا متعاونين
اول ياكلوا ويقوموا مايرجعوا صحونهم بحجة " نشتغل وفية شغالة " !
الحين كل وحدة تقوم تشيل صحونها وتفرغهم وتغسلهم وتجففهم وترجعهم مكانها
خلاص اخذوها قاعدة !

صحون البلاستك ريحتني كثيييييييييييييييير !
زوجي اصبح متعاون وصار يرحمني واحياناً يساعدني

اصبح بيتي يضج بالدفئ والهدوء والطمئنية
واصبحت فعلاً ملكة لمملكتي وما اجملة من إحساس .. وخصوصاً عندما يشعرك زوجك
بهذا !!


لا ومليون لا لوجود الخدم في بيوتنا .. ونعم لطاقة نفجرها في منازلنا .. لراحة انفسنا وأفراد اسرتنا ..!

يالغالية وقت النفاس جيبي احد من أهلك يجلس عندك لو اسبوعين بس !
او أنت روحي عند اهلك !!

يكفيك في النفاس اسبوعين .. بعدها تقدري تشتغلي عادي من غير ماترهقي نفسك !!
وبالعكس الحركة ضرورية للنفساء ومهمة جداً يغفل عنها كثير من النساء !!

أنا ولدت بعملية قيصرية وجلست اسبوع في العناية المركزة

وبعد مارجعت لبيتي كان لي 12 يوم والدة والله من ثاني يوم بديت اشتغل
وشوي شوي بدون ما ارهق نفسي
وكل من دخل بيتي يسالني جايبة شغالة ؟!!!

الناس عارفين إنك نفساء .. فلاترهقي نفسك
وتكلفيها فوق طاقتها !!!

اشتغلي الضروريات .. واتركي العميق لما تقومي بالسلامة ويشتد عودك !