لــوتس @lots_3

عضوة جديدة

اللي ماعندها شغالة أو زوجها مايرضى الا بطبخها تدخل وماراح تندم

ياحبي لكم وانتو متوهقات بدون شغالات مثلي
قدر الله علي وعشت فترة بدون شغالة ( بغيت اروح فيها لكن ربكم ستر )
اضطريت ابتكر واخترع حركات تسهل علي شوي الشغل وتوفر الوقت والجهد خصوصا اني موظفة وأم
ما اطول عليكم باختصر لك بعض الحركات والاشياء اللي اكتشفتها بنفسي ويمكن احد قبلي اكتشفها ما ادري ( لان الحاجة ام الاختراع ) باقولك المشكلة وطريقتي في التعامل معها :
1_زوجي :arb: يموت عند شي اسمه كبسةومن التعذيب يحب طبخ البيت مو المطاعم يعني اضطر اطبخ كبسة كل يوم . وكل يوم اقطع بصل واحمره واقطع طماطم واضيفه عليه وبعد ما اخلص حوستهم الاقي ريحه البيت كلها بصل واضطر ابخر وانا بصراحة ماعندي وقت. قمت جبت 4 بصلات كبار وقشرتهم وغسلتهم وحطيتهم بالفريزر عشان اذا قطعتها ما تدمع عيوني وحمرتهابشوي زيت في قدر واحد وبعد ماتحمرت اضفت الطماطم اللي هو 3 طماطمايات واضفت البهارات فقط بدون ملح واغرف الكمية الكبيرة واترك بس مايكفي طبخة اليوم واذا بردت الكشنة هذي اقسمها في اكياس واحطها بالفريزر لكل يوم كيس واذا جا من بكرة بس حطي بالقدر محتويات هالكيس والماء الحار واللحمة على طول وتوكلي على الله شوفي اي شغله ثانية:(
2_بعد ماتتغدو بالعافية تلاقين انواع الاواني والصحون اللي تستغرق وقتك كله عشان تغسلينها هذي طبعا المقرودة اللي زيي زوجها ما يحب يساعدها دايما :eek: . انا شخصيا اكره شي عندي تنظيف الاواني . رحت لابو ريالين وعبيت العربة كاسات شاي ورقيه وكاسات عصير بلاستيك وفناجين قهوة بلاستيك وصحون باحجامهاوملاعق وشوك وسكاكين كلها بلاستيك الاستعمال الواحد وطبعا سفرة نوعين نوع متينة مرة ونوع خفيف شوي مو خفيف كثير واليكم الطريقة : تفرشين السفرة المتينة البلاستيك وتحطين الايدام او السلطات او الفاكهه وكل شي تبينه من البلاستيك حتى الملاعق والكاسات وباقي عندنا الصحن الرئيسي ما تلاقين بمقاسه بلاستيك عشان كذا غلفيه بالسفرة الخفيفة شوي واثني اطرافها تحته واغرفي فيه الرز وحطيه
لما تخلصون اكل امسكي السفرة الاساسية من اطرافها واجمعيها وارميها دفعه وحدة طبعا لا تصيرين غبية وترمين صحن الرز الاساسي بس شيلي عنه سفرته وطلعيه وكذا نفس الطريقة مع فناجين القهوة والشاي وصحن التمر

وهكذا تقدرين تقولين تغديت بدون ما ااغسل اواني ( لا تبالغين كثير لانه وراكي القدر والمغرفة ):42:
3_ حاولي تروحين لفريزر السوبر ماركت وتشترين اشياء تنفع للطواريء او اذا مالك خلق تطبخي عشا مثلا ناقتس او اصابع فيليه او بطاطس او اي شي يفك الازمة:09:
4_اطلبي من البنات الثقات اللي يسوون اكل نظيف في بيوتهم اطلبي منهم معجنات وحركات وحطيها بالفريز بدون ما يعرف زوجك وكل فترة فاجئيه وطلعي شوي ومو لازم تكونين صريحة ( مخفة )وتقولين مو انا سويتها اسكتي وخليه يقول الله يعطيكي العافية وتسلم يدينك لانك فعلا تعبتي وقليتيها وقدمتيها له ( سياسة جبر الخواطر)
5_ قبل يجيكي ضيوف من اهله خذي شغاله بالساعة او باليوم تنفض بيتك نفض وبيجون الضيوف ويقولون ماشاء الله عليكي سنعه وبرضه فكينا من الصراحة واسكتي لاتعلمين من اللي نفض بيتك امس :09:
6 _ اذا عندك صغار وتعانين من تنظيف الحمامات حاولي تنظفي الحمامات البعيدة تقفلينها وما تستعملون الا حمام واحد للصغار بس عشان تقدرين تسيطرين على الوضع :)
7_ فيه حركات شيطانية كثير اسويها بس والله لاتحضرني الان اذا تذكرتها باضيفها :30:
اتمنى لكم حياة سعيدة تغرد فيها شغالتك في بيتك وتسمعين قربعه الاواني كأنها موسيقى تطربك وقولو معي ( الموظفة من دون شغالة كالحساب بدون فلوس ):22:

110

18K

يلزم عليك تسجيل الدخول أولًا لكتابة تعليق.

تسجيل دخول

ام سلاف • 18 سنة

ياقلبي تسلمي على هذي الحلول إن شاءالله لما اتزوج اباخذ فيها هههههههههههههه من الحين الكسل فيني
الله يسعدك يارب لاتنسي تدعيلي ياعسل

hot cotor • 18 سنة

ماشاء الله عليج افكار حللللللللللللللللللللللوه
و اكثر شي عجبتني سفرتج
بس اذا صار الابو يبي طبخ البيت و الملعقه لازم تصير ستانل ستيل و الصحن مره من الطقم الازر و مره من المشجر
ما تطلعين معاهم براس
مشكوره على الافكار الحلوة

لــوتس • 18 سنة

ام سلاف الله يرزقك ابن الحلال اللي يقول انا اكره طبخ البيت
hot cotorطبعا ابو العيال يحق لك يوم في الاسبوع دلع بالاواني الحلوة ولا تنسين تخلينه يساعدك في غسلها عشان يقدر البلاستيك
الف مرحبااااااااا لمروركن

لــوتس • 18 سنة

ام عبدول • 18 سنة

مشكورررررررررررررررررره على هالموضوع
غسيل المواعين معاناة اعتبرها الا اذا روقت !!!
طريقتك بالصحن اعملها بالشقق فقط
والله يعين على الشغل اللي مايخلص
وزيدينا بافكارك لعل وعسى