اللي مايهمها وزنها كثر مايهمها مظهرها.. تجي وتشاركني

الله يرحمك يايمة، قلتيها وصدقتي، وانا مافهمت قصدج من الكلام إلا الحين
كانت أمي لما تشوفني ذابحة روحي في الرجيم، تقول لي: (الفيل عمره مايصير غزال)
وانا كنت أحنق عليها لما تقول هذا الكلام، وكنت أظن انها تبي تحبط فيني وبس
يارب سامحني على نزقي يارب
الحين بس فهمت شو تقصد
أصابع ايدينك مب وحدة..
في منا المتين... والضعيف... والطويل... والقصير.. واللي مليان من تحت.. واللي مليان من فوق.. واللي مليان من صوب الكرش، وهذي خلقة ربي ولا اعتراض عليها

بس هذا مايعني اننا نخلي الحبل على الغارب ونقول: أنا خلقتي كذا.. الله خلقني متين وماراح أتغير
ويوصل وزننا لـ 150 و 200كيلو..
و مايعني اننا نتقيد بوزن محدد، يعني وحدة وزنها 67 وهي (حسب الأرقام المطروحة) لازم تكون 60، وتروح تذبح روحها علشان تنزل السبعة كيلوا الزايدة، هذي اللي أنا شخصياً لو أشوفها قدامي بس ....
ماعلينا
المقصود من كلامي:
انك مب لازم تتقيدين بالوزن المحدد بالملي، بس المهم تكون هيئتج مقبولة، جسم مشدود ومتناسق..
أنا ماأحب الأرقام، مافي شي يضيع علينا كثر الأرقام، إحسبي السعرات الحرارية اللي تاكلينها..
والله وزنج زايد كيلو ونص.. لازم تاكلين على الفطور 200 غم (اختصار غرام .. مب غم وهم) + 100 غرام جبن+ 5 لتر بطيخ .. وهكذا

حتى ماما أمريكا، سوت جدول خاص بالأوزان حسب الأطوال يتراوح بين .. وبين، وهذا يعني انه مب وزن واحد محدد للطول المحدد..
هذه هي المقدمة بس
واللي تبي تنضم للوبي الخاص فيني، حياها الله، وانا بكمل بس أبي مساعداتكم واقتراحاتكم وآراءكم يامبدعات عالم حواء..
للحديث بقية