السلام عليكم ورحمة الله جميعا،،
أخواتي ف الله حبيّت افيدكم مثل ما استفدت وما ابي منكم غير الدعوة لي بالحمل السليم المعافى كامل الخلق والخلقة،،
طبعا قرأنا كثير عن فايدة القسط الهندي ف تنظيم الدورة والهرمونات وفائدته للتكيس،، ومثل ما انتوا عارفين طعمه الاقشر،، لكن أختكم ف الله بعد محاولات ف تحمل الطعم وما قدرت حتى لو شربت فوقه ماي يبقى طعمه ف الفم فترة،،
صحيح فيه تاجرات يبيعونه جاهز ف كبسولات لكن طبعا ما تضمني النظافة أو هل هو جديد أو قديم،، وايضا تقدري تشتري كبسولات فاضيه وتعبيه فيها لكن احيانا ما تحصلي الكبسولات دايما متوفره،،
جبت لكم طريقة سهله وبسيطه وتضمني انه القسط جديد ونظيف،،
أولا اشتري لك قسط أعواد من العطار مو مطحون لان المطحون يكون قديم وحتى لو تلاحظي لما تشتري اعواد وتطحنيه لونه غير شوي اغمق عن الجاهز المطحون،، اغسلي أعواد القسط ونظفّيه زين من الغبار والاوساخ وبعد اتركيه ينشف ثم كسريه بالهاون وبعدها اطحنيه ناعم جدا،،
اغسلي يدينك زين ونظفيها ونشفيها،، بعدها خذي من القسط كميّة كم ملعقه واضيفي له ماي شوي بالتدريج يعني مثل لما تسوي العجينه وبتصير معك متماسك ثم امسحي شوي إيدك بزيت زيتون وإبدأي خذي كمية بسيطة مثل حبة الفاصوليا الصغيرة وكوريّه ع طول بيتكور معك وخليّه مثل حجم حبة الكبسولة لين تخلصي الكميه كلها،،
انا سويت كمية قليله قلت عن يخرب معي أو ما تضبط الطريقة لكن الحمد لله الطريقة ناجحه وما خربت،، وبعد ما تخلصي تكوير الكميه كلها حطيه ف ورق ألومنيوم ولفيّه زين ما زين وحطيّه ف الفريزر وكلما بغيتي خذي منه كبسولتين واشربيهم مثل لحبوب لا طعم ولا شي ،،ولا تنسي تغلقيه زين عشان ما تدخل له رطوبه أو ماي من الثلاجه،، للأمانة أنا ما كان عندي ألومنيوم سويت كلينكس فاين ثلاث حبات وحطيته فيه ولفيته وبعدها لفيتهم بورق نايلون شفاف تبع الأكل وحطيتهم بالثلاجه،، وطلعوا معي كبسولات ناشفة ومتماسكه يمكن الكلينكس نشفهم وصاروا متماسكين،،
وبكذا تخلصنا من طعم القسط بطريقة سهله ومضمونه النظافه بروحك تسويها،،،
وسلامتكم،،
رزقني الله وإياكم الذرية الصالحه المعافاة كاملة الخلق والخلقة،،
دعواتكم لي بالحمل السليم المعافى....
®ام ميرا® @am_myra_8
عضوة فعالة
يلزم عليك تسجيل الدخول أولًا لكتابة تعليق.
عليكم السلام مشكوورة ع الإفادة الله يكرمك بالذرية الصالحة ويكرم كل متأخرةعليكم السلام مشكوورة ع الإفادة الله يكرمك بالذرية الصالحة ويكرم كل متأخرة
العفو حبيبتي،،
آمين يا رب ويرزقنا جميعا بإذن الله...
وأشكرك جدا على الاهتمام بالموضوع وتمييزه
آمين يا رب ويرزقنا جميعا بإذن الله...
وأشكرك جدا على الاهتمام بالموضوع وتمييزه
الصفحة الأخيرة
وربي يرزقنا جميعا الذرية الصالحه المعافاه...