أسعـــــــد الله مســـــــــائكـــــــم بكل خيـــــــــــــــر
هذي اول مشاركـــــــــه لي معكـــــــــم لكنِ من المتابعات لكــــــم بإستمرار ...
ومن المطبقات لبعض ما تسطرونه في هذا القسم
عاد اللي خلاني اكتب لكم هو إني حاولت اترّمس << على وزن أتضبب
وللي ما يعرفون للهجه النجديه (( اتضبب ))هذي عباره يطلقونها الشباب فيما بينهم اذا كانوا
بيروحون يصيدون ضبان << اممممممممحق شرح
و(( اترمس )) يعني اصير رومانسيه مع ابوالشباب
<< من قراء مسطلحات العرابجه اللي تكتبينها غسل يديه منك خخخخخخ
المهم ذاك اليوم كان ابو الشباب بيجيء من السفر قلت يا بنت ورى ما تطبقين الحركات
اللي كاتبينها البنات وتصيرين رومنسيــــــــه بالغصب
واتوكل على الله واروح اشتري شموع اشكال والوان وازين كيكة البرتقال
وازين كاسات العصير بالورد واجيب طاولة المطبخ واحطها في غرفة النوم وافرش
عليها مفرش شيفووووووون سكري على تفاحي نفس الوان غرفتي واحط الكيكه
وكاسات العصير وارش على الطاوله ورود مجففه وامسك الشمع واحطه في الارض
على اطراف الطاوله يعني يصير حول الطاوله واحط بعد على طوووووول الممر اللي
يوصل للغرفه شمع ويوم جاء ابو الشباب واروح افتح الباب وقسسسسم يا بنات
جتني حاله مدري هي روووووووعه والا حياء خخخخخخخخخخ
<< عاد اذا استحت تجيها حركات هباله على دلاخه
وتجيب العيد فيها المهم يوم شفته وامسك يده واسحبه على الغرفه واقوووووول شف الشمع خخخخخخخ
<< وقسسسسسسم بالله مهوووووويه ذا الحرمه
والموقف الثاني ...
شفت موضوع حاطته وحده من الأخوات عن ليش ما تفاجئين زوجك بفطور على السرير
وكانت حاطه صورة طاولة السرير من أيكيا هذي هي
المهم الفكررررررره دخلت في راسي وقلت ما بدهاش لازم اتسنع واغير الروتين
عاد ابو الشباب عندي ما يحب يفطر ابد قلت اجل ابفاجئه بشاهي العصر يشربه على
السرير
وذاك اليوم اللي كنت ابنفذ فيه الخطه << حشى بتسوي جريمه الأخت ما نمت القيلوله
استنى العصر يأذن علشان اصحيه واجيب له الشاهي << اقووووووول يا شين القراوه بس
ويوم أذن واصحيه واجيب الطاوله وفك ما تفك مدري وش عكسها ما رضت تتزبط
وقام أخذها مني وزينها وحطها بجنبه واقووووووم احط الشاهي عليها
عاد أختكم ما تعرف الرستكه جايبتن البراد بكبره وفناجيله بعد بتتقهوى معه الاخت
وتوني صابه الفنجال له الا تكرفس الطاوله على السرير
لانه ما ثبتها زين واشوى لحق البراد قبل لا ينكب ومسكه والا الفناجيل تصفقت فوق بعض خخخخخخخخخخخ
وش الحل بنات من ذي الدفاشه والله مدري هي دفاشه والا حياء << اممممممحق حياء الا دلاخه خخخخخخخ
الصراحه تخيلت شكلتس ومت من الضحك .انتى مثل اللى بتكحلها وعمتها :confused: :confused:
المفروض ما تسحبينه تورينه .الروما نسيه انتس تخلنه يدخل وتهلين وترحبين وتحمدين على سلامته ,ومن ها الحركات .همن تخلينه يكتشف المفاجاة بنفسه ........:o
لكن خيرها فى غيرها. الجايات اكثرررررررررران شاء الله
والحمد لله جت سليمه ولا انكب عليكم الشاهى .والا الباقى فداتس:32: