اللي مب موظفه تتفضل

بنات قسم بالله حايمه كبدي
من كل شي بالحياة من نفسي واهلي وحظي
وكل شي فينا
يمكن اللي مب وموظفات
يحسون انا ابوي بس الموظف امي
مب موظفه بيتنا اخواني اثنين
متخرجين ومتوظفين بمول
واخواتي يدرسون انا مالقيت ولا شي
حرفيا مستوعبين ولااااااا شي
كرهت نفسي وعيشتي وفقر اهلي
يعني حتى الاشياء الضروريه ماقدر
اوفرها لنفسي عمري فوق 31وللان
اشحدهم كاني بزر لو ابي اي شي
ولا يحسون!!!!!!
لا ابو ولا ام
على بالهم للحين عايشين بزمن الطيبين
يحسبون الحياة بس تصحين وتاكلين وتنامين
ابسط شي لو ابي اطلع مع صديقاتي
ماقدر مامعي فلوس لا كوفي ولا عشاء ولا شي
بتقولون دوري مابقى مكان ماذورت
حتى المشغل بما اني بمحافظه 1500 يعطون
ورحت لاكثر من مشغل كلهم رفضو
انه فل ومو محتاجين موظفات
ونفس الشي ناعندنا الا مول واحد وصغير
ورحت دورت فيه مالقيت شي
كلهن مكتفين
وكل ماسالت احد قالو مكتفين
ولما اجلس اتهاوش مع اهلي انهم يدورون
لي واسطه زي الناس ماينفع!!ماقلت ابي راتب
حكومي فوق عشره
انا راضيه بشي خاص لو 2000
لكن ماعندي احد لدرجه اجلس افكر
ليش جايبيننا للحياه ؟؟
يعني المفروض اي اب وام فقراء
صراحه مايولدون الا واحد او اثنين
مب بس يجيبون كومه عيال واخر شي
شايلين يدهم منهم ثقه
مو قادرين يصرفون عليهم
ولا قادرين يدبرون حياتهم ولا وظايف ولا شي
والله اني انقهر وابكي على نفسي وعمري
اللي جالس يضيع اذا شفت اللي حولي
كيف عايشين وشفت المشهورات والسناب
وبعض اقاربي بالسناب وش يسون ويروحون وفلوس صرف وانا ماعندي ولا ريال برصيدي
لدرجه صرت اقول مالوم بعض البنات
اللي يخرفون رجال وياخذون منهم فلوس!!
كنت قبل اقول وش ذولا ماعندهم كرامه
صرت اشوف بنات اعرف وهن يتعترفون
ان والله الماركه هذي هديه
من واحد
فلوس السفر من واحد
الشنطه من واحد
يعني فيه بنات صارو يستغلون اللي نفس وضعي وفقري لان زي ماقلت لكم
لو ابي كوفي ماقدر اطلع
يجلسون سنه يغثوني
من وين فلوس مامعنا
الكوفي غالي اعتذري منهم لين متى بعيش
كذا حتى ابسط الاشياء محرومه منها؟؟