اللي متزوجة تدخل و تقول وش سوت في هاليوووم؟؟؟

السلام عليكم ورحمة الله وبركاته
دغري وبدون طولت كلام
أبي كل وحده تقول وش سوت أول يوم طبخت فيه بعد الزواج:cook:
وهل ضبطت معها الطبخة وإلا احتاست فيها :35:
ووش كان رأي أبو الشباب في طبخها؟؟؟؟؟؟؟؟؟
خاصة وإنه أول مرة يأكل من يدينك
وراح أبدأ أنا....
أول ما تزوجت أخذ زوجي إجازة شهرين
تمشينا في أسبوعين (شهر عسل مختصر):mad:
وبقية الإجازة قضيناها عند أهله
وبصراحة ما قصروا ماكانوا يخلوني أسوي شي
دامني مهتمة بولدهم هذا أهم شي
المهم خلصت الإجازة وانتقلنا لعشنا الجديد
وهنا بدأ الجد
قعدنا يومين على أكل المطاعم إلين ماخلصنا البيت
وإلى هنا الأموووووور تمااااااام
شرينا أغراض المطبخ كااااملة
ولا يفوتكم رحنا لـ(بنده) وماخليت شي إلا وشريته ((الأخت متحمسة مررررة للطبخ))
وجات ليلة الطبخ
طبعا سميتها ليلة الطبخ لأني قعدت أجهز للغداء من اليوم اللي قبل
ما أبيه يأخذ مني موقف من أول لقمة
وتعرفون وش الأكل بالنسبة للرجال
رحنا ننام وهو يفكر في الدوام
وأنا قاعدة أفكر في غداء بكرة وش أسوي
قلت يالله بأفتتحها بالكبسة
وتعرفون وش تعني الكبسة للرجل السعودي:arb:
المهم جاء الفجر وداوم زوجي وأنا شاغلني الغداء
خفت أنام وتروح علي نومه وأتأخر بالموعد
المهم وقت الجوال ونمت شوي
وأفز الساعة 9 وهروله عالمطبخ (خايفة يجي ماخلصت)
وبيني وبينكم قلت لو ماضبط الأكل أو خرب أو احترق أو أي شي يمديني أحل الموضوع
وماجت الساعة 12 إلا وأنا مسويه ذيك الكبسة اللي تحبها قلوبكم والسلطة الخضراء والعصير الطازج والحركات لاتفوتكم
المهم جاء الساعة1:30 واستقبلته وأنا خايفة من نتيجة الغداء هو بيعجبه وإلا لا
بعدين سألني سويتي غداء وإلا أطلب من المطعم (ما درا المسكين إني صاحية من الصبح على باله توني صاحية)
قلت :لااااا أفا عليك من اليوم مافي أكل من برا
والله وجاء وقت الامتحاااااان
وجهزت السفرة بشكل حلو وطلعت الأكل
لااااااااااا وقاعده اتعذر بعد
المهم قعدت أناظر فيه بأشوف انطباعه مع أول لقمة
وانتبه لي قال :فيه شي قلت لا سلامتك
وأكل لقمة وثانية وثالثة و.. و... و....
وأنا بس أناظر أبيه يعلق
ويوم خلص سحب كفي وباسها وقال :تسلم يدينك هذي أحلى كبسة ذقتها :icon28:
وهنا تنفست الصعداء بس وش عقبه
طبعا اليوم الأول عدا بسلام وقعد يمدح كبستي الين ماكبر رأسي
يوم جا اليوم الثاني قلت لازم أنوع عشان مايقول إني تقليدية بالأكل
وأروح وأسوي صينية خضار لكن الذوق خانني هالمرة
ويوم قعدنا نأكل قعدت بثقة لاأنتظر رأيه ولا شي
إليييين ما فاجأني وقال:أقول الملح خلص
قلت بثقة:لا تبي أجيب إذا كان ناقص
قال:وين ناااقص إلا احترق لساني من كثره:09:
هنا بصراحة انخميت وفعلا اكتشفت إني مكثررررة
لكن سويت إن الطبخة تحتاج ملح زائد. وقام وقال الحمد لله أصلا أنا شبعان
وإلى يومكم هذا وهو ما يحب هالطبخة اعتقادا منه إنه تستلزم ملح زائد
أدري طولت عليكم بس هذا اللي صار لي
وياليت كل وحده تقول وش صار معاها