السلام عليكم ورحمة الله وبركاته
اللهم صلي وسلم على نبينا وعلى آله وصحبه الكرام
حريمات وبناتات شلونكم شخباركم شلون مبزرتكم :)
بغيت اسأل يابنات من اللي تزوجت رجال بالخمسين او فوقها وعايشة مستانسة وعادي الوضع :44:
يعني كيف تقبلته وشلون العيشة معاه زينة والا هي في وادي وهو في وادي
ويوم تزوجته كم كان عمرها وشنو وضعها الاجتماعي كانت بنت او مطلقة
وليش قبلت فيه يعني نصيب او حدتها الظروف الله يكفينا شرها
واهم سؤال هل هي نادمة الحين انها تزوجت رجال اكبر منها بعشرين او خمس طعش سنة اولا
مع اني والشهادة لله ادري والله انهم اطلق من الشباب واكرم خلق ومصلين وصايمين وعارفين ربهم
اشوى من الهيلق اللي تزوجناهم سكر ونكر ونوم وخيانة وظلم وكذب
ومد يد وطولة لسان كنهم مو شايفين نعمة وربي تزوجت 2 كلهم من سني
واحد اخس من الثاني حطمو الارقام القياسية بالخساسة
وربي تفشلت منهم قدام اهلي وازواج خواتي وناسي يوطون الراس بجد :mad:
لكن بعد من ناحية ثانية احسها صعبة بعد الوحدة تدفن شبابها مع رجال كبر ابوها :09:
يعني لو تكشخ وتلبس ملابس دلع وميك اب وحركات وش تحس به ؟
احسن لها ماتلبس ولاتكشخ تدفن حياتها:44:
بلييييييييييز بنات اللي مجربة الوضع او عايشته شخصيا مع قريبة لها تقولنا وش الوضع شلون صاير
مابي كلام والله اشوف فلانة من جماعتنا تكشخ وتلبس وعايشة طول بعرض وتسافر وتمشى وآخر دلع
لكن الله وحده العالم بحالها لا جاء الليل وصفت الدنيا عليها وعلى زوجها الشايب
وهو يشخر بسابع نومة وشافت فرق السن وتمنت لو انها تزوجت واحد من سنها
صاحي معها الحين وسهرانين في مطعم والا يتمشون عالبحر والا يمزحون ويلعبون ويتفرجون على التلفزيون
بنات سامحوني لكن الواقع شي وشفنا من بعيد شي ثاني
يعني اللي عايشة التجربة اكيد هي اللي بتحس بالكلام اللي كتبته
وللامانة كثير من البنات وهم لسى بكر يتقدم لهم احيانا مطلقين او متزوجين فوق الخمسين
فمابالكم بالمطلقات امثالي
عن نفسي للامانة لو اني بكر والله مااتزوج مطلق ولا متزوج ولا فوق الثلاثين لو اعنس اذا مافي شي يحدني لاسمح الله
لكن للي مطلقات او استغفر الله ظروفهم صعبة او حدتها الدنيا او اللي تعدت سن 33 احتمال توافق
وووأنتظر مشاركاتكم وتجاربكم وآرائكم :27:
يلزم عليك تسجيل الدخول أولًا لكتابة تعليق.
ابريكوت
•
السعادة نسبية ,اذا أنت تعتقدين ان سعادتك في طلعات وتمشيات وروحات مطاعم اتوقع رجال بهالسن مايحب ,لكن من ناحية النشاط فالرجال الطبيعي نشيط يمكن اكثر من بعض الشباب اللي مضيعين أوقاتهم في قنوات وبلاوي ,اما من ناحية التعامل على حسب الشخص ماله دخل العمر ,الله يسهل لك ولبنات المسلمين
الصفحة الأخيرة
اي تسوينه من حركات ودلع ينبهرون فيه احسن من هالجحلط