الله ييسر لك الخيره

ابو الخمسين ماهو شايب خصوصا في هالزمان بالعكس يمكن يكون عنده روح شبابيه اكثر من الشباب انفسهم بالاضافه الى انهم خبره يعني ماراح يتهور ويخون او يسكر اويغازل اهم شي مايكون عنده اولاد لانه اذا قلتيله ابي اروح مطعم او كوفي معاك بيقول اذا شافوني عيالي وش بيقولون عني روحي مع اهلك احسن مافيه حياه حلوه من كل الجوانب لابد من وجود بعض التضحيات

الله ييسر امرك والله اني دائما احاتي واقول الله لا يحدني ع الزواج من الشايب او المتزوج
يعني صحيح انا كبرت بالعمر بس والله لنا نفس مثلنا مثل البنات الصغار ودنا بـ شباب وياعمري انتي اذا تجاربك كلها كانت فاشله مع الشباب ان شاء الله ربي يعوضك بالشاب الثالث اللي يسر خاطرك وقلبك ويعوضك عن ايامك اللي فاتت

فلتي لا ياقلبي ماعنده زوجة مطلقها من زمااان وعياله وبناته متزوجين
وهذا اللي مخليني مترددة انا شخصيتي غير يعني احب المزح والضحك والدلع والعيارة وحركات بنات يعني
بالله شلون بقعد امزح والا اتضارب مع ذا الشايب ينكسر قفصه الصدري واروح في سين جيم خخخخخخ الله يسعدك

نبض الوفا وربي كتبتي حكمة :
كل ماكبرت الوحدة لازم تقلل من الفرق بينها وبين زوجها صادقة وربي
وانا مايهمني الفلوس والسفرات بقدر مايهمني تمشية لو في حديقة الحي
يعني اللي اقصده روح الشباب والحنان ويحس ان المرة مكتومة ونفسها تطلع تغير جو وتتونس هذا مقصدي
وربي يوفقك على نصايحك ياحلوة

النوري مدري انا اهم شي عندي يكون نظيف ومهتم بمظهره لأني تلوع كبدي بسرعة واذا شفته وطلع لك عليه بقوله باي باي خخ
وصادقة من ناحية الدلع هم ارحم من الهيلق ربي يوفقك

انا عمري 27 وزوجي 50 وهو زي ماذكرتي في واااادي وانا في وااادي ثااني بعيد كل البعد
ولااكن مافيه غروور ولاا حركاات بايخه وتفقع المراره مثل شباب هالاياام
يعني مااعنده عناد وفرد العضلاات زي الشباب التالين تحكماات وغرور