اللي متزوجه تدخل ربي يسعدها

القصه خاصه لوحده صديقه توها متملكه لها شهرين
صديقتي ماشاء الله ماشوف فيها شين ابد
جسمها مره جميل كانها ميلكان
وملامحها تميل للنعومه يعني مافي وجهه
شي شين معقدها مثلا خشمها كبير او فمها ابد
البنت ناعمه بشرتها صافيه لاكن مشكلتها زوجها متملكه
زوجها اول شي تقول مره انيق وجذاب وفيه شوفه نفس وماشاء الله غني ومركز اما صديقتي من عائله عاديه الى هنا ممكن عادي
المصيبه تقول يموت بشي اسمه جمال وعنده ذوق
بشكل مايوصف لدرجه مقسم لها البنات ثلاث اقسام
يقول البنات النوع الاول شين مهما يحاولون يغيرون
مايقدرون
النوع الثاني عادي مقبول
النوع الثالث وهذا اجمل نوع مزز ماعليهم كلام
وعنده نقد للمكياج بشكل فضيع تقول صديقتي
يقول لاتشترين مكياج لاني برميهم اكرهه ماشوف
البنت اللي تصبغ وجهه حتى الروج تقول يسب فيه
يعني ماعليش اذا ملكات الجمال يحطون مكياج
يبغى البنت العادي ماتجمل نفسها؟؟
وصديقتي شعرها هو يمكن اشين شي فيها
خشن شوي ولما سالها قال لايصير تستخدمين استشوار تقول بغيت ابكي من قهري
عاد ماقصرت قالت له حتى البنت اللي شعرها
حرير تستخدم انا طبيعه شعري كيرلي
تقول من يوم الملكه بدت تكلمه
تقول حسيت ابد مو طاير فيني وبشكلي مثل كل البنات وكان يقول ايش اكثر شي عجبك فيني
تقول مره واثق بشكل فوق الخيال بنفسه وهي تقول يحق له جمال وفلوس ومركز لدرجه النادي محافظ على جسمه وتخيلو توها اكتشفت ان خطيبها
يخطب مرتين ويرفضونه البنتين والى الحين ماتعرف السبب تقول كان يقولي ارسلي صورك
تقول بالبدايه كنت ارفض لانها تكره التصوير
وعلى كلامها يشين شكلها مره تقول لما رفضت
قال الى هالدرجه ماتثقين بامكانياتك؟؟
تقول قلت ايش تقصد قال يعني اقصد الى ذا الدرجه مر واثقه بشكلك
تقول بما انه زوجي ارسلت عادي عشان لايجرحني وعلى باله شكلي تقول مثلا تكون
عندنا طلعه واعلمه اني بطلع يقول اوكي صوري لي
ولما يشوف اكثر من صوره تقول يقول لاهنا شكلك مو حلو فيك كذا فيك كذا الصوره الثانيه ممكن مقبوله شوي يعني راعي تدقيق شايف نفسه بشكل كبير
والموقف اللي قهرها اليوم تقول جاء زياره
ببيتهم وصديقتي كاشخه وحاط مكياج خفيف
لما طلع وكلمها بالليل ارسل لها ماله داعي تصبغين يوجهك يمكن على بالكم صديقتي تكب مكياج واي شدو وخرابيط ابد تقول اساس وبودرن وكحل شايل وروج وحمره زي باقي البنات
والله تقول طنشته والعبره خانقتني جاء زادها قال الشي الوحيد اللي يشفع لك جسمك!!والله انها تقول افكر اكلم اهلي وابكي اقول ماني مرتاحه قبل تتزوج وتتوهق فيه البنت اول ماتقدم لها طارت من الفرحه بشكله وبمنصبه واكتشفت انه وراعي هياط تقول دايم اذا كلمني يقول حنا اكبر قبيله بالمملكه وحنا معرفين ببنانتنا المزز ويصرف بسفره يومين 40 الف تدرون على ايش على السيارة اللي بالملايين بدبي وبهياط فنادق وبلاوي تقول كان يخليها تشوف سنابه
بالمقابل تقول اذا اختفيت عنه وهي تمثل دور الثقل
من يوم تملكت ماعمرها فكرت تدق عليه تقول يزعجني بالاتصالات والرسايل وانها فاقدها وانه ليه ماتسال عليه يعني تقول احيانا احس انه متناقض
والبنت تقول اخاف اسكت ويكرهني عشتي بعد الزواج خاصه عيونه واضحه طويله ويعرف الجمال
مو مثل باقي الشباب اللي تقنعه اي بنت بالمناسبه
تقول احسد اي بنت زوجها مايعرف الجمال ومعايره
لان زوجها متعود ع السفرات برا ودراسه برا وقال
شفت اشكال والوان والعجيب والغريب
هي تبيه بس تخاف بعد الزواج ماينجذب لها
فهمتها ان الجمال مو كل شي وياكثر اللي اعرف
شينات مو عاديات وماشاء الله رجالهم طايرين فيهم
بسبب الاسلوب قالت يابنت الحلال هذولا رجالهم
مو مثل اللي عندي اللي عندي يعرف الجمال مو اي احد يقدر يملي عيونه فهمت ان الاسلوب اهم ولا يجيب الرجل الا الكلام الزين والدلع بس البنت مره تعبانه نفسيتها ممكن تقولون ليش وافق عليها مادام ماعجبته وكم مره تقول قلت له تدرون ايش رد عليها؟
لاني ارتحت لك على بالكن قال لنك عاجبتني او شي لفت نظري ابد تقول قال ارتحت لك بشكل غريب
هي شالت هم جد بعد ماعرفت ان فيه ثنتين رافضاته
هن اللي رافضاته مو هو