فبايه الايام حتتعبي من القومه بدري


بس رح تتعودي مع الايام

وقسمي وقتك وقسمي ايام الشغل زي كوي وغسيل لانها تاخذ وقت

وحاولي تشدين حيلك

وصدقيني لمات تكون عندك العزيمه رح تتقوين على كل شي

والله يوفقك ويعينك على دراستك وولدك ووبيتك

شوفي ياقلبي المسأله يبي لها جد يعني يكون عندك عزيمه وإصرار
انا تزوجت بعد ثانيه ثأنوي ودرست الثانويه العامة في بيت زوجي وكان زوجي مو مقصر معي ولله الحمد وكان تخصصي علمي ودخلت الكليه قسم رياضيات(وكان هذا القسم رغبتي) وحملت في نهايه السنه الاولى من الكليه وكملت ثانيه وانا عندي بنت وكملت ثالثه وعمر بنتي الحين سنتين وباقي ليه رابع واتخرج وماشيه وانجح كل سنه بتقدير جيدجدا وهذا بفضل الله ثم زوجي وصراحه ماقصروا اهله واهلي لانهم كانوا ياخذوا بنتي ايام الامتحانات. امابانسبه للبيت كنت ارتبه اذا فضيت. وكل يوم اربعاء (يوم النظافه العالمي) ههههههههههه ارتب كل شئ واكوي ملابسه وملابسي وملابس البنت والخميس والجمعه اروح اتونس عند اهلي واهله والحمدلله على كل حال وبيني وبينك الكليه ماتبي لهااجتهاد الا في الامتحانات (ماادري عن قسم الحاسب)
والله يعينك و يساعدك ونصيحه مني كملي دراستك لانها هي مستقبلك وراح تندمي بعدين على تركك الدراسه والله يوفقك

الله يوفقك ياختي ويعينك ويسهل لك امورك

مع اني داخله عرض لاني مو متزوجه ولاني حاسب

بس بصراحه حبيت اشجعك لانه زي ماقالوا الاخوات بتتندمين لو مادرستي

وبتملين من جلسه البيت

والله يوفقك للى فيه الخير:26:

مرحبا أختي لولي ...
رداً على سؤالك ان الدراسة بتكون سهلة مع الأيام بقولك أي لأن في البداية بتحسين نفسك كأنك في عالم ثاني لكن مع مرور الوقت تحسين بالأندماج والعقل يبتدي يفكر صح , أنا حاسة الحين وأنا متزوجة أن عقلي صار أكبر وألمامي بكل شي صاير أحسن يعني الذهن بيكون متفتح ونظرتك لكل اللي حواليك غير , بتحسي بهالأحساس لماتدرسي ، حبيت أقولك شي يمكن بتستغربيه أني بديت الدراسة الجامعية بعد 10 سنوات من الثانوية تخيلي بس الحمدلله.

أما بالنسبة لسؤالك الثاني انك تجيبي مدرسه تعيد علي المناهج قبل بداية التيرم فهي فكرة حلوة عشان تنشطي الذاكرة ومو لازم مدرسة على الأقل وحدة تساعدك في الرياضيات والفيزياء , وبعدين البنات اللي بيكونو معاك في الدراسة بيساعدوك وحتى المدرسين ما بيقصرون ، والحين عندك فرصة في الإجازة تراجعين شوية ، وترا طبيعي انك تحسي بتعب شوية في البداية بس صدقيني متعة الدراسة والعلم بتغطي هذا كله .

تحياتي أختي ...

بيضه مسلوقه ياحبي لك.. كلامك درر :)
ونتي يا لولي.. مايحتاج تعيدين على المناهج وتتذكرينها.. انتي ركزي بالمحاضره وارجعي ادرسيها وكل شي بيكون تمام.. لكن اذا تبين نصيحتي.. ادخلي هالصيفيه دورات انجليزي تقويك شوي وهذا اللي تحتاجينه
وشدي حيلك.. وسمي بالله.. وان كنتي بتدخلين بجامعه الملك سعود.. فانا مستعده اساعدك بفهم القوانين او بتجهيز بعض الكتب لك او حتى بشرح بعض المواد وخاصة مواد البرمجه حقت اول سنتين.. احس اني مره متمكنه منها وتقريبا هي اصعب شي.. لو تعدينها فانتي بخير ان شاء الله
ودعواتي لك بالتوفيق