اللي متزوجه وعندها شغالة تدخل ضرووووري

السلام عليكم بنات
هذي وحده من صديقاتي ماعندها يوزر بعالم حواء
وتعرفون التسجيل يطول شوي.. فطلبت مني اكتب عنها

تقول جتها شغاله مؤقته وزوجها جننها..
زوجها كل شي عنده عادي... يعني ماعنده مشكله يروح يعطي الشغاله شي تكويه او يطلب منها تسوي له شاهي وكذا.. وصديقتي تنقهر لانها وحده اجنبيه مايجوز له يتكلم معها.. وكذا مره تقول له اذا بغيت شي قل لي وانا اقول للشغاله تسويه... وهو يرررررفض يقول لها ماتثقين فيني وما ادري ايش

الشغله الثانية... هو يلبس شورتات بالبيت.. واستمر يلبسها حتى بوجود الشغاله... وزوجته ياما قالت له مايجوز لاتلبس كذا قدام الشغاله... وهو يررررفض ويقول بيتي وانا حر فيه.. لاتقيديني ببيتي!!!

الشغله الثالثه... خربت ماصوره الحمام حق الشغاله... والشغاله غرفتها فوق... وقالت صديقتي لزوجها عشان يصلحها... ولما راحت عشان تطلع معه.. وهو ررررفض قال عيب عليك تبين تصيرين حارس علي... تبين تراقبيني... ورفض يصلح الحمام الا بشرط انه يروح لحاله فوق... فهي قالت اوكي روح ونادت الشغاله تكنس تحت.. بس كانت مقهووووره ولا بينت له...


يا بنات هذا كله صار خلال شهر جابت فيها شغاله مؤقته
وراحت ذيك.. والحين مقدمة على شغاله جديده.. لان بيتها كبير وعندها 3 عيال..

المشكلة ان زوجها مو مستوعب ان اللي جالس يسويه غلط... لانه متعود من بيت اهله انه عادي يقول للشغاله كيفك يا فلانه ويسولف معهم ويطلب منهم اغراضه وكذا.... لكن صديقتي اهلها محافظين ماعندهم هالسوالف ومتعوده ان الشغاله مسؤولية المرأة بس والرجال المفروض ماييتبسطون معهم وكذا....

هي الحين ضايق صدرها قبل لاتوصل الخدامه.... مع انها واثقه من نفسها ومن زوجها..
لكن ابليس ما مات... والحركات ذي تستفزها...

وش تنصحونها فيه... وكيف تقنع زوجها بأن في حدود بينه وبين الشغاله...؟؟