اللي متزوجين من سنوات يردو

شوفي انا من تجربتي تزوجت تقليددي وكلنا الاثنين ماكان في مشاعر الوضع عادي واقل من عادي لدرجه اخت زوجي مره كانت تسولف تقول اذا دخل زوجي البيت قلبي يفز له وانا اقول بنفسي ماعمري حسيت بهذا الشي تجاه زوجي شعوري كان حيادي لا حلو ولا شين مع الوقت حبيته بقوه تعلقت فيه مره مع ان هو مايبين ذاك الحب لي بس اشوف حبه بأفعاله مايقصر علي ولا يزعلني وللحين لي كم سنه يمكن سبع وباقي مقصر من ناحية العاطفه يرد ع الكلام فقط لكن هو يبادر بكلام لا بس تصرفاته توضح لي ان مايقدر يستغني عني ومواقف تثبت هالشي وهو ع قولته الكلام مو مهم زي الفعل ومن ناحيه سؤالك الواحد يحس بنفور الثاني تجاهه مهما خبى ومابين يوضح النظرات والبرود وعدم الاهتمام وفعلاً المشاكل وكثرتها تخلي الواحد يعوفك مثل مايصير معاي هذي الفتره صرت احس ان خاطري طاب منه لايفهمني ولا يهتم بمشاعري ولا يقول اني احتاج حب وعاطفه يبي ياخذ ولا يعطي ااخ وندمت اني استمريت بهالزواج الفاشل اللي م يستحق اني اتعب عشانه 💔لكن بنتي كاسره ظهري بس كنت قبلها ميته عليه واللحين شعوري بارد وهو ماهمه بارد ولا حار 💔💔💔

اذا كنتي قويه في مشاعرك معه زمان

غضب شديد حب غيره ودايم تلاحقينه بمشاعر قويه 

وقللتي اكيد بيحس وممكن يبدا ينبش وراك

ويركض وراك

ولكن دايم مع الزوج راعي مشاكل ويبي يسيطر وبس ويبي يكسرك 

ما انصحك تلصقين فيه اذا اتعب نفسيتك

ولا نصحك تعطين عاطفه قويه

وجهي الاهتمام والعاطفه لنفسك ولعيالك 

اهتمي انتي بنفسك ومشاعرك طوري نفسك

دلعي نفسك وهو لا توجهين اهتمام قوي له عادي جدا خليه 

ولا تدخلين في دائرته وتهتمين وش يسوي 

خلي عندك اهداف جديده تبين تحققينها

طوري علاقاتك مع الاهل و الصديقات واهتمي بذي العلاقات اعطيها اهتمام 

حبي نفسك وكأنها طفله اشتري لنفسك اللي تحبين

لا تخلينه يعرف انك مبسوطه مع نفسك 

ومع اهلك ومع صديقاتك لا تعلمينه عن مشاعرك

لاتتكلمين بشكل تكشفين نفسك له خلي كلامك كله سطحي

مثله تماما

لو تلاحظين الرجال مثل هذا النوع ما يتشارك مع زوجته مواقفه مشاعره رغباته 

الاغلب يكون صامت انتي كوني كذا معه

وركزي على نفسك ولا تروح اهتمامك له لانك بس اهتميتي بمشاعره

راح تضعفين بسرعه

واعطي بقدر للزوج 

خلاص مابعد ١٣ سنه شيء مستحيل يتغير الا اذا الله قال لذا المخلوق كن فيكون

اتوقع اي بيحس. بس عادي يستمر الزواج اذا في احترام وكل واحد يقوم بواجباته
وفكرة ان الحب ما يجي مع الزواج التقليدي غلط
يجي الحب مع الزواج التقليدي اكيد.
واغلبهم يكون في حب في البدايه لكن اذا حصل مشاكل يبدا يتضاءل وكل ما زادت المشاكل خصوصا الخيانات كل ما قل الحب ويمكن يموت
واغلب البيوت قايمة ع الاحترام والمودة وليس الحب
فيه فرق بين الموده والحب
الموده تجي بالعشره والاحترام والمواقف الايجابيه

البيوت ماتبنى على الحب فقط.
فيه اشياء ثانيه أهم من الحب عشان تستمر الحياه.
الموده والرحمه بين الأزواج مطلوبه
لكن الحب والعشق والغرام هذي مهي شي لازم ولا شائع.

مشكورين كل اللي ردو🌹
الله يسعدكم كلكم.