اللي متعذبه مع حمولتها مثلي تدخل ..محتاجتكم والله

السلام عليكم
يابنات مثل ماهو مبين من العنوان
مأساتي واكيد فيه كثير مثلي حتى لو اختلفت التفاصيل شوي
انا مشكلتي اني متزوجة من 8 سنوات وبعد كم شهر بادخل ال9 سنوات
وكتب الله علي وصرت ساكنه مع امه(البيت مناصفه بينها وزوجي الملكية)
والله اسم اني فيه بيت انام فيه وعايشه فيه بس تعبت وملييييييييييييت
والله طفح كيلي وفار ورجع طفح وفار
وهذي حالتي تعبت يابنات
الوضع بالمختصر المفيد:
خالتي حرمة كبيرة وتعبانه من سنين والبيت طول الوقت الناس فيه من الساعه 5 ونص يبدون الناس يجون ويروحون
غير واحد من عيالها مايستحي يقول فيه زوجة اخوي يجي احيانا ويطب علينا واحنا حاطين السفرة والله يابنات اني اقوم ماحطيت ببطني شئ
يجي ويجيب عياله وقمه بقلة الادب والحياء الله يشفيهم ولا يبتلينا
يعني ازعاج على حبسه
ويقعد هو وعياله للعشاء من الساعه 12 الظهر
وانا محبوسة فوق ولا يمديني انزل والله تجي ايام يتقطع بطني جوع او عطش مااقدر اجيب لعمري
حاكرين البيت حكر
وفوق هذا كله زوجي مايقدر ابدا
اقول له نحط مطبخ فوق
نحط شئ يصير قريب يفتح لي مشكله
غير مشكلتي بالحبس اللي انا فيه بالبيت
زوجي يسبب مشاكل بسبب امه
يقول لي لازم من اول اليوم تقعدين عندها ولازم ولازم
طفشت من خلق مشاكله معي بسببها
انا مقهورة هي لما تمرض وتنام بالمستشفى ازورها اكثر من احفادها وحريم عيالها الثانيات(مع العلم تصير خالتهم لزم انا الغريبه يعني)
والله لما تجي البيت اطل عليها واناظرها ولا ينفع فيها ولا بزوجي
ومع هذا كله يقول يقول انتي ماتسوين شئ اصلا
حتى البيت يقول لي ناظريه وشوفيه
اقول له وش اناظر اخواتك وخالتي كل ماسويت شئ شالوه ومايبوني المس شئ
الطبخ الحين كرهتني فيه
كل مادخلت اطبخ تجيب مروحة وتشغلها عند باب المطبخ وتقول للخدامه صكي الباب ريحه شينه
تستهبل والله لو تناقز ماطبخت مثل طبخي
بس هي كذا اذا الشئ صار مني مايعجبها ابدا
انا كنت احبها اول زواجي بس مع الايام والضغط اللي علي من البيت وزوجي اكرهها لدرجة صرت وانا ابكي مقهورة ادعي ربي ياخذها وارتاح
والله حرام كل هالسنين ولا اقدر اسوي اللي ابيه بالبيت
والله يابنات يضيق صدري لما اقرا موضوع بالمنتدى كيف تطيبين او تزينين او تسوين فكرة بالبيت
لان مايمديني اسوي شئ ابدا بالبيت
لدرجة طلبت يجيب زوجي تحف من برى وهو مسافر وغاليه ولما جابها ووزعتها بالبيت والمجالس
قامت خالتي لمتها هي والخادمه وحطوها بكرتون تحت الدرج
ولما اجيب اكواب شاي لنفسي واشياء للمطبخ والله يابنات قدام عيني حاطتهم بكرتون وودتهم جمعيه خيرية
حتى زوجي يتقضى للبيت بالهبل واحنا 3 افراد بس
والله كانه يتقضى لقصر فيه 20 فرد كل اسبوع على هالحال
لو يجيب بالكراتين تاخذ نصها وتعطيها الناس وعيالها (مع ان عيالها اقل راتب فيهم 10 وزيادة وبناتها كلهم متزوجات ماشاء الله من وزراء ورجال اعمال)
صاير بيتنا مفتوح تبرعات
ولما اقول لزوجي مايبغاني اقول لامه شئ
والله قرفتتتتتتتتتتتتتتت من خالتي ومن البيت حتى من زوجي ماعاد اتحمل منه شئ
يحب امه معليش ماقلت شئ اللي مافيه خير باهله مافيه خير للناس بس مو على حسابي ويظلمني
طفشت يابنات طفش
صرت لما ادخل واشوفها كاني شايفة جني من كثر ماكرهت صوتها وشوفتها حتى ريحتها تخنقني ماعاد اتحملها من اللي فيني من ضغوط بسببها

معليش بنات يمكن كتابتي مو مرتبة بس من الحرة اكتب القهر وبس
(بنات رجاء اللي مثل حالتي بس تكتب وتفضفض عشان احس ان فيه احد مثلي ونواسي بعض)
:(
ابي اشاوركم بشغله لي يابنات
انا ماعندي الا ولد عمره 6 ونص
وبعده اخذت لولب من ولدت وتوني فاكته (لاتستغربون بعد ماقريتوا سالفتي)المهم فكيته من 6 شهور بسبب زوجي وازعاجه لي
بس ماحملت
ولما رحت للدكتورة قالت لي عادي هذا الهرمون بعد اللولب وياخذ وقت واذا كنتي تبين تحملين بسرعه اعطيك منشط
وانا مترددة بسبب المشاكل اللي مع زوجي (سبق وذكرت لكم سببها)
فما ادري اخذ المنشط والا لا؟؟؟؟؟؟