اللي متنفسه في بيتها

اخواتي الامهات اللي نفاسك في بيتك وش ردة فعل زوجك لما يشوفك تعبانه وبحاجه لمساعدته لك ؟
بالنسبه لي انصدمت فيه كنت متوقعه انه بيوقف معي وبيرحمني على العكس صار يتهرب من البيت ويفرح اذا جاني احد علشان ياخذ راحته برى وينجن على السهر برى بالرغم انه قبل ماكان يسهر الا يوم الاربعاء والخميس فقط
وصار عصبي ونفسه شينه وقبل كان يدخل معي المطبخ ويساعدني في الطبخ ويوم احتجته شال يده وانا بحاجه لمرق اللحم واكل البر وكنت مشتهيه كبده بس ماجابها الى هاللحين
واحيانا كثيره يكون معزوم وياما نمت وانا جايعه تخيلوا نفسى مالي الا ثلاثة ايام ولا في بطني غير الحليب والحلبه والكمون بس
واللحين باقي اسبوع واخلص الاربعين وحاسه بتعب لاني ماتغذيت زين ولا ارتحت لاني خليت الفراش من سابع يوم وذيك الايام برضوماني مرتاحه فيها ادخل للمطبخ لان ماعندي من يساعدني في تجهيز الاكل والشغاله مسسسسستحيل تلمس اكلنا

وانا لحالي وهو لحاله وانا من جد بشق خلقاني من ضيقة الصدر تخيلوا بزران يصيحون وانا تعبانه جسديا ومعنويا وهو ولا على باله يجي من برى وينام لحاله مايجي يسولف معي شوي ويسليني
وقتها ندمت اني جلست في بيتي ليتني رحت عند اهلي اوسع لي صدر والقى من يهتم فيني ويخاف علي ويساعدني
صدق الرجال يحبون الحرمه بعافيتها واذا مرضت ملوا منها

تصدقون حتى الهديه ماعطاني عكس يوم ولدي اللي قبله اعطاني هديه لاني عند اهلي
ويوم قلت له ماعطيتني هديه لو باقة ورد او سلة حلاو قال الظروف وبعدين ولدك اكبر هديه (شفتوا الرد )
معليش تحملوني بس انا فيني قهر وطلعته لان صعب تتعشمين في احد تحبينه وبعدها تنصدمين فيه