اللي متوظفة في معهد العالمية أو نيوهورازين أو تعرف أحد متوظف فيها؟

مرحبا اختي
الله يوفقك ويوفق صديقتك

بس وش نوع الوظيفة ؟ تدريبية والا ادارية

اذا ادارية سهله اما تدريبية صعبة شوي ، انا جربتها وماتحملتها ..
بس على حسب المعهد انا كنت اشتغل بمعهد وصديقتي بمعهد ثاني هي كملت معهم وانا ماقدرت لان المديرة كانت الله يهديها شيء لايحتمل تضغط علي
واي طالبه تبي دورة او دبلوم تدخلها وادرسها لوحدها
اما باقي المعاهد يكملون الطالبات بمجموعة لازم

وفي دوام بفتره وحده وفي دوام فترتين .. بس دوام فترتين مهلك جداااااااااااااا

يعني انا اصحى الصبح على الصلاة واحضر محاضرات الصباح واداوم سبعة ونص واطلع 12 الظهر اتغدى واحضر محاضرات المساء واطلع من المعهد 9 بالليل
وانااااااااااااااااااااام من التعب .. لندرة وجود محاضرات فاااااارغة ..
غير اني ادرس مواد مال امها داعي ولااعرف لها تخصص شركات وخرابيط وقلت للمديرة مااااااااااااعرف لها ورفضت تستبدلها لي ..
بس معاهد ثانية يشاورون المدربات والمادة اللي ماتعرفها تأخذ دورة فيها بعدين تشاور هل تدرسها ام لا ..

والله العظيم مازدت عليك ولابكلمة واحدة .. عشان كذا مارضيت الظلم وسويت بهم مقلب خخخخخخخخ نكاية .. والحمدلله ربي رزقني بوظيفة احسن منهم

والراتب 1500 للفترة الواحدة ..

وانصحـــــــــــــــــــــــــــــــــــــــــــــــــــــــك
اذا جتك وظيفة بمعهد اسألي عن نظام المعهد هل هو طماع ام لا ، والمديرة اسالي عنها
وشوفي ظروفك وظروف الوظيفة والله يوفقك يااااااااااااارب

واسمحي لي ماقلت اسم المعهد ، ماودي ربي يعاقبني والا قسم ودي اشهر فيهم
لكن الله يكتب لي الاجر ويتوب عليهم لانهم عاملوني معاملة سيئة جدا غير اللي ذكرت ع العام
والسبب تقول زميلتي انهم يبون يرفعون الوظيفة بأسمك لانها تعاقد ويطفشونك وترفضين ويجيبون بدالك اجنبيه ارخص لهم ويكرررفونها كرف .، والله اعلم ..

فيه دورات سكرتاريه في المعهد