اللي مجربه هالشي تعطيني رايها

مايصير روح وخلني حبيبتي الرجاجيل مراح يفهمون انج تعبانه بسبب هل شي لان دوم يحطون في بالهم ان دلع راح يفكر فيج غلط وبيقول ليش سبوعين وغيره و و و و خذي مسكن اسمه كتفلام عطول راح يبعد عوار الدوره وتحملي وقولي له اني معذوره وراح يقدر وضعج ان شاءالله بس تحمممملي تقولين له خلني اسبوعين مايصير وما ينفع

الالم ماهو شي عند الترجيع تخيلي عروسه وعيونها وارمه النفسيه تضرب عندي حتى ماقوى اطلع من سرير

في حلول ثانية غير المسكن شلون بالنسبه لنظافتي سبق نزلت موضوع انو وقت العاده احس فيني رائحه تنرفزني وماتخليني واثقه من نفسي تمام الثقه قدام احد مع اني ابدل باستمرار واسبح من احس باعراضها الحين شلون اتصرف اذا تسبحت خلالها تنقطع عني ويزيد الالم شوروا علي مره متازمة وقلقانه من ناحيه الموضوع

ذكرتيني بنفسي قبل الزواج كنت نفسك بالظبط اموت منها وتنزل اليوم الاول والثاني والثالث بعذاب وتذبحني استفراغ ودوخه وبكاء ونوم طول الوقت و مايمدي امي الله يحفظها تحط الكشنه الا وانا بدا استفرغ طبعا معروف اغيب المدرسه يومين لازم انتي عارفه احيانا من كثر ما اتلوى على فراشي يسرب علي واقوم فراشي فيه بقع دم
المهم يوم تحدد زواجي شلت هم مثلك وتخيلت نفسي رحت بدال الفرح قلب نكد وبكاء وقرف فقلت بشوف اخر دوره تجي قبل العرس وبالفعل جات قبل العرس بشهر وشوي وانا دورتي ترجع ورا اربع ايام كل شهر فخالتي عطتني دواء ياخذونه ايام الحج يأخر الدوره اخرها اسبوع وتركته والحمدلله ما اثر علي رحت بيتي وتم العرس على خير وجا اليوم الموعود جات الدوره بدا المغص بس لأن الدخله صارت خلاص فكان اخف من الالم اللي يجي ايام قبل الزواج بس لازل في الم واستفراغ وبكاء بس الشاهد الله ماحسيت باللي كنت خايفه منه بالعكس كان يسندني وحزن علي ويحاول يغير نفسيتي صلح لي شوربه اندومي بالخضار وربي من شده اهتمامه نسيت الحزن والالم واخذت بندول ونمت بحضنه وهو يمرخ بطني بس كنت شايله هم تتوسخ ملابسي او فرشه السرير والحمدلله تم الموضوع وماصار شي ١٢ سنه مضت بس اذكرها كنها الان
الله يتمم لك على خير ويسعدك بس سالفه خلني وارجع انسيها والله لو هو خبل ماخلاك ولو هو خلاك اهلك ماراح يخلونك

ونسيت اقولك بعد الزواج بشهرين حملت واجهضت في الشهر الثاني بعدها ماعاد جاني الم الدوره الحمدلله ممكن انسداد في الشهييه وشوي غثيان وتغير بالنفسيه بس