الف شكر لكل اللي ردوا عليه وفيه حاجه نسيت اقولها اذا قربت منه المكوى يخاف واذا ابتسمت له يبتسم عادي

عادي حبيبتي اصلا ليه تقربي منو المكوة حرام عليكي

بنت عمتي معاها توحد الله يشفيها
ألاحظها ما تتواصل معاك بصريا زي ما قالت الأخت ما تنظر لك عين بعين حتى لو ناديتها باسمها
لان انتباهها مشتت..

امم ما تكلمت بسهولة الآن عمرها 7 سنوات تقريبا وما تقول إلا ماما بابا هات وكلمات بسيطة جدا ..
ألاحظها لما أقولها مويه حارة أو أخوفها ما تخاف
تصرفها عدواني مع الأطفال تدف وتسحب وكذا .. وتسوي تصرفات غريبه مثلا تصب مويه داخل الجزم

طفلك أشوف إنه طبيعي .. وعلى فكرة التوحد ما يبين إلا بعد 3 سنوات أو 4 فارتاحي ..
وهالفترة حاولي تثقفي طفلك وتلقنيه الأسماء وخليه يحفظ وريه صور أشخاص أبوه ومعارفه وصور حيوانات ورددي أسماءها وسولفي معاه كثير ..
بنتي عمرها سنتين الآن وكنت زيك خايفه لانها تأخرت بالكلام شوي بس استمريت بهالطريقه معاها من عمرها سنة و8 شهور وماشاء الله انفلتت بالكلام الحين صارت ثرثارة خخخخ

صح كمان ترى الطفل الأول يتأخر بالكلام شوي ويكون شوي انطوائي لان ما عنده أطفال يختلط معاهم عكس الثاني والثالث .. فلا تخافي

ولدك طبيعي مافيه شي

اللي فيهم توحد مايحبو يلعبوا مع احد ولا يختلطوا ولعبهم دايم بروحهم مايشاركوا احد

هلا اختي
انا ولدي كانت فيه نفس الاعراض اللي قلتيها لولدك بس ولدي زايد انه حركته كثيره ومو اجتماعي يحب يلعب لوحده
جلست الاحظ تحركات ولدي مدة خمس اشهر ولاحظت فيه انه توجد عنده سمات او مايقولو طيف توحد شفت مدح في النت للاخصائيه دعاء الحذيفي وكلمتها واخذت موعد ورحت وعملنا تقييم وتشخيص وبالفعل طلع عنده طيف توحد ورشحت ليا برنامجين لطفلي الاول للتركيز وفرط الحركه والثاني تخاطب وان شاء الله السبت يبدا دوامه والله يكتب اللي فيه الخير
صح طولت في كلامي بس اللي ابغى اوضحه لك ان لازم تركزي على تحركات ولدك اكثر وتقري اكثر على سمات التوحد اللي ابغى اوصله ان ولدي في الطبيعه للناس انه طفل طبيعي جدا مايعاني من اي مشكله بس لما دققت طلع عنده طيف توحد والحمدالله قدرت اسيطر واكشف حالته من بدري قبل لاتتطور
وان شاء الله راح اكتب تجربة ولدي اذا لقيت تحسن عشان الكل يستفيد