اللي مرت بحالتي تدخل

السلام عليكم ورحمة الله

بصراحه انا مو من النوع اللي احب انزل مواضيع كل شوي وادور حلول
لكن من كم شهر امرر بحالة تعبتني ويمكن القى وحدة مرت بنفس الحاله واتغلبت عليها

بالبدايه احب اقول اني ولله الحمد ما اشوفها مشكله كبيره لان مافي شي بالدنيا ماله حل يعني لاتجي وحده تقول هاذي عين ولا سحر ولا مدري شو :icon32:
لاني الحمد لله الامور هاذي ما احب انسب مشاكلي لها وعندي ثقه بالله طالما اقرا اذكاري محا يحصل لي شي


المهم مالكم بالطويله <<اخلصي


من كم شهر تجيني حاله غريبه ماتخليني استمتع بشي حذكرها لكم بشكل مثال

اصحى من النوم على طول ابدا ارتب جدول يومي براسي مثلا افطر وما استمتع بفطوري لاني افكر اني لازم اخلص فطور عشان اغسل الملابس ولما اغسل الملابس افكر بسرعه خلصي يابت لازم تلبسي وتتجهزي عشان وراكي مناسبه ولما اتجهز اتجهز على عجاله عشان احظر المناسبه او ازور احد ولما ازور الناس احس اني مستعجله لازم اخلص من الزياره عشان ارجع للبيت وارتبه وانام عشان الحق اصحى بكرا اسوي الغدا
وطووووووووول اليوم وانا افكر واتكلم براسي اني لازم اخلص اللي بيدي عشان ابدا باللي بعده
لدرجة صرت ما استمتع بشي
حتى القهوه مع زوجي اتقهوا وافكر اني لازم اتقهوا بسرعه عشان اقوم ارتب المطبخ او انظف اولادي او او او
وحتى وقت النوم افكر كيف ارتب جدولي بكرا لدرجة صابني ارق وصداع
والمشكله ان عيلتي صغيره وماعندي شغل كثير وزوجي ابدا مو انسان متطلب الحمد لله ما ادري ليه بس افكر واضغط نفسي ولا استمتع

هذا الشي تعبني جدا جدا جدا لدرجة صرت لاارادي اضغط على اسناني من التوتر طول اليوم وما احس الا لما فكي يوجعني





هل منكم من لديه الحل :11: