اللي مرت بمثل هالتجربة تفيدنا

السلام عليكم ورحمة الله

في القلب غصة ..
وفتحت هذا الحساب بحث عن إجابة
انا حامل وتكرر معي موضوع الاجهاض ثلاث مرات
وحملي هذا

امس كلموني انه اللي عندي بداية إجهاض
حسب المعطيات اللي قدامهم .. التحليل الرقمي مع النزيف وصور الاشعة اللي تبين ان الجنين مافيه نبض ...
والله يعوضني خير ...

الحمدلله عندي أطفال سابقا اصغر طفل عمره عشر سنوات وكنت سابقا مااعاني اي مشاكل
بعدها صارت لي شوية مشاكل في الهرمونات وتكيسات

عندي سؤال نفسي الاقي له اجابة خاصة اللي تكرر عندهم اجهاضات اكيد بحثوا حتى يعرفوا السبب

وش الاسباب الطبية اللي قالوا لك انها هي سبب في توقف النبض او الإجهاض
هل فعلا اذا الزوج يعاني مرض السكر قد يكون فعلا سبب في الإجهاض ؟
وش الاشياء اللي لما تفاديتيها ربي تمم حملك بعد إجهاضات متكررة ؟

انا اخذوا الجنين وحللوه قبل كذا ولاعرفوا سبب الاجهاض
وانا برضو طلبوا مني تحاليل كثير ونفس الشي السبب مو واضح
فحبيت لو صار حمل مستقبلا بإذن الله اكون فاهمة وش الاجراءات اللي تلزمني وممكن حد ينبهني على شي مهم انا غافلة عنه ،،،هذا من باب الاخذ بالاسباب والا كله بأمر ربي سبحانه