اللي مرت بنفس حالتي تساعدني نفسيتي مدمرة...

السلام عليكم ورحمة الله وبركاته...


موضوعي طويل بحاول اختصر على قد ماقدر... انا من فترة بديت في علاج كوميد وابرة تفجيرية مرتين وماصار حمل والمرة الثالثة كان المفروض شهر نوفمر خذت كلوميد وراجعت الدكتورة يوم 14 نوفمبر، شافت البوضية قالتلي حجمهم صغييير ماينفع اعطيج ابرة تفجيرية اكبر وحدة كانت (كان حجم البويضة 14) المهم عطتني دوفاستون مدة اسبوعين حبتين فليوم بديتهم يوم 15 نوفمبر !!! واستغربت لأنه أغلب اللي اشوفهم ياخذونه بس عشرة ايام بس... المهم سمعت كلامها وخلصته يوم 30 نوفمبر وقعدت انتظر الدورة وبدت الألام ومعها ألم في أسفل الظهر قووووووي خصوصا اذا وقفت فترة طويلة فلمطبخ او تمشيت فالمول كثير ويوم 7 ديسمبر اي هالشهر أمسح ألاقي افرازات بنية بس ومو دايما مرة وحدة فليوم تقريبا ولبست الفوطة ومانزلت الدورة وكل يوم أمسح مرة الله يعزكم الاقي افرازات بنية بس... يوم 10 ديسمبر سويت اختبار حمل منزلي والنتيجة سلبية 😞 رحت للدكتورة بدون موعد قتلها مافي لا دورة ولا حمل وشالسالفة ؟ وكنت حدي معصبة سوتلي سونار مهبلي وجان تصدمني وتقولي بطانة الرحم ضعيفة عشان جذي مانزلت دورة غزيرة او عادية !!! كيف طيب وانا دورتي تنزل قبل عادي ؟ المهم هالدكتورة كرهتها وقررت أغيرها خلاص... الإفرازات اختفت وألم في ظهري ذبحني وانا بلعادة ماعاني من ألم أسفل الظهر !!! واليوم تغذينه ومرة وحدة قمت أركض الحمام أرجع (استفرغ بقوة) الله يعزكم وحاشني صداع فالراس فضييييييع بلعت 6 حبات بندول وتميت متلحفة.


أدري طولت عليكم بس بليز اللي مرت بنفس حالتي او تقدر تفيدني بمعلومة لاتبخل علي عسى ربي يجعله في ميزان حسناتها وينولها اللي في بالها يارب... معقولة أكون حامل ومابين فالاختبار او دام بطانة الرحم ضعيفة خلاص مافي أمل، وهل ممكن يبان الحمل للدكتورة وقت سوت لي السونار او لسه بدري مابين ؟