اللي مركبين تقويم يشرفو موضوعي

من زمان ركبت بارامكواول شي سوو لي تنظيف الاسناني هذا اللي اذكره ترا هالكلام من 8 سنوات

اب :)

انا كنت مركبه تقويم من كم سنه بس اول جلسه بعد الكشف يشوف اذا تحتاجين خلع لأن الاغلبيه لازم يخلعوا قبل مايركبون التقويم وتكون فيه كم جلسه وبعدين يركبون التقويم انا اذكر جلست شهر وبعدين ركبته00000000

أنا سويت لبنتي بالحقيل أول زياره قالت الطبيبه لازم نصور الأسنان صوره كامله ونعرض الصور على مجموعه من الأطباء وبعد فتره نعلمكم وش تحتاج

بعدين الزياره الثانيه أخبرتنا أيش تحتاج من خلع لأني سويته لبنتي وعمرها 12 وأحتاجت أننا نخلع الأنياب وبعدين ركبت زي الحلقه على الضرسين الأخيرين وخلته فتره وبعدين ركبت التقويم

وما زالت بنتي إلى الأن فيها التقويم لأن الأنياب طولو ما طلعوا والأن بدت بتقويم الأنياب وبعد فتره بتركب التقويم تحت
طبعاً كل هالحوسه لأني ركبته فيها بدري من عمر صغير لو كنت أتأخرت يمكن ما طولت كذا
بس طبعا أنا أستعجلت لأن الاسنان الأماميه كانوا مره مفتوحين وفيه مسافه بينهم كبيره

..مساء الخير ..

هلا بك يا عسل .. شدعوه شكلك كذا خايفه ..
أنا ركبت تقويم قبل سنتين زينه ..

ثم شليته بس خليته شهرين من كثر ما هو عاجبني قمت ركبته بس ما تحملته..
عقبها قبل ست شهور .. قلت لازم أركب لأن بين اثنين من أسناني فتحه بالكود تبان ..
وأنا ولله الحمد أسناني مرتبه .. كلها وتعرفين الفاضي يعمل لقمة القاضي..

..

رحت عياده خاصه بـ الأسنان ..
ثم دخلت على الدكتوره .. وقلت لها أبغى أركب تقويم ..
قالت ماتحتاج أسنانك بـ المره ،، قلت يا معوده ركبي تشوفين الفتحه ذي مضايقتني ..
لو أسناني كلها فتحات كان أوكي ..
بس كلهم صفه الا ذي .. بـ الرغم من أنها صغيره ..
جلست فوق راسها لين قالت تم .. على مسؤوليتك .. ثم ركبته لي نفس اللحظه..

..

لـ أن أسناني الحمد لله ما فيه تسوس ولا كنت أحتاج أي علاج غير التقويم..
ثم ركبته من فوق .. عقبها جت تبي تركب تحت قلت ليش تحت ..
قالت لازم لـ أن الفك يتحرك ولازم يكونون الاثنين نفس المستوى ..
ركبته لي وقالت بس أربع شهور .. قلت تم ..
ورحت من عندها ومفروض كل شهر مره أجيها جيتها مره .. ومن عقبها خلاص..

..
حصلت عندي ضروف وسافرت برى وما زلت برى ..
ومن أرد بـ أذن الله بروح لها وهي كم مره دقت علي قالت ياويلك مني ياركب الأغراب ..
أول ما أشوفك ..
وكان تركيبه بـ سبعة الالاف .. وسلامتك ..

..

وتراه ما يخوف ولا شئ .. ومن شدة فرحتي فيه .. يوم رحت للبيت ..
دخلت الصاله ونطيت في حضن أمي .. قلت يمه شوفي وابتسمت ههههههههههه..
قالت يابري حالي وليه يابنيتي تركبينه أسنانك مابها شئ ..
وطبعا أبوي عصب علي .. وخواتي قالوا هبلا ..
وحرمة أخوي لما نطيت غرفتها ورويتها ماتت ضحك قالت حلو بس وراه مقلوب..

..
قلت يؤ ابذمتك ..مقلوب ..قالت ايه ..
لما شبحت في المرايه لقيته فعلا مقلوب ..
لاني من شفاحتي .. وطفاقتي .. توطيت في بطن مفطح لقيت أمي وأخواني عليه ..
تيس صغير على اللبن قلت ما بدهااااش لازم أكل منه ..
ثره قلب تقويمي ههههههههه ورجعت زينه في العياده والدكاتره ميتين ضحك علي ..
وهلا بك عد ما مشى الديك حافي ..


..ركب الأغراب..