اللي مزكمه وتعبان تجي عندي بعلمها بعلم زين

صباح الخير والسعد والفرح والسرور
اشلونكن يمي
ان شالله انكن بخير وصحه وعافيه

بدخل بسالفتي على طول المهم الجو تعبان واكثرت به الزكمه والحراره
والكل تعبان ان كان وغد وكبير وعجوز ولى شايب
اللهم يرحمنا وياجرنا
المهم يمي البارحه عجزت مع رويحتي قمت الووووج من هالزكمه وصارت حالتي
حاله :06: تقل بي ولاده ياااادافع البلااااا
ورحت لطبيب وبزني بالابر وقياس الضغط وحده تدخل وحده تطلع
وماغير ياماما وياماما :05:
وبعدين قلت لهن وش السواه الابر كلها مانفعة معي وعلاجكن بالهوى
وللحين اتمرج يمين يسار قالوا لازم وقت هذا يطول علاج :42:
يادافع البلا لا الحراره لي راضيه تنزل ولا الكحه مبعده عني :08:
وربي اني عجزت حتى عن نفسي وضاق واهسي
اقول الله يعينكن على الطلاسم لا دققن:27:
المهم ياطويلات والبس عباتي عقب هالعصر
واضغط على نفسي واروح لابو مبارك رجال نشمي وشقردي
راعي عطار وقلت له ياخوك تراني داخلتن على الله ثم عليك
والطبيب ماوراه منفعه لي يومين انشليت من هالزكمه بس بفراشي :confused-
والحراره هاجدتني وكل شي بي متكسر وش عندك شي ينفع لحالتي
قال يسلم راستس يا اختي وباذن الله بعد هالكوب ماراح تحتاجين شي
قلت ياله شورتك وهداية الله
وقام ابن هالحلال وسوى لي خلطة الرشح اسمها زهورات للرشح والزكام
اللي هي
لسان الثور /بابونج /فوطن/زعتر /عناب/بمبر
وقالي غسليه بمشخال وعقبن فوريه خمس دقايق
وحطي ملعقه عسل واشربيه
3مرات
وربي يابنات انه ارتحت وفتح خشمي وهون راسي وارتخن عظيماتي :27:
وفتحت عويناتي :32:
ويااااربي لك الحمد
قسم بالله من بعد الله وهالخلطه اني ردت لي روحي
والحين كل وحده تجيبها وتحطه بعلبه وقت ماتحتاج منها تسوي لها فوره وتشربها

عاد انا قلت لابد اعلم بها خواتي وبناتي وحبيباتي
وادعلي يمي
الله يرضى عليكن وربي يحفظكن من كل شر
اي نسيت ترا تطلع البلغم اللي بالصدر لا تخافن راح تلاحظين هشي وتنظف صدرتس يعني تخف عنتس
والشفى من الله سبحانه
وربي حبيبي يشفي كل مريض يارب