اللي مسافرات بالسياره ادخلوا قولوا لي شواحتاج للسفر-ما اعرف راسي من ساسي_

قصدج للسيااارة

انا هالصيف روحت سوريا

بالنسبة لي لما سافرت

حطيت عباية احتيااط + بدلة

تراكم اكيد راح تريحون ..احنا ريحنا ف منطقة ف سعودية اسمهاا عرعر وهالمنطقة جريب سوريا

أهم شي خويتي المعقمااااات مثل ديتول الجل واايد راح ينفعج وخاصة ف الاستراحات

مشكوووره اختي cute-flower
فعلا ما خطر على بالي المعقمات ابدا خاصه عندي طفلين
وبعد زيدوووووووووووني الله يزيدكم من فضله
وانا اقصد في السياره واثناء تواجدي في سوريا
منتظره المزيد

الله يعينك
السفر بالسياره متعب خصوصا للي معاه اطفال
لازم تأخذين لهم غيارات ومناديل الاطفال المعقمه
و العاب اللي يحبونها وشويه خفايف و حلويات وعصيرات
علشان مايزعجونكم في السياره لان اذا ارتاحوا الاطفال راح ترتاحون انتم


سفره موفقه

حبيبتي اهم شي تاخذين لك مفرش عشان الشقق مش نظيفه وبطانيات لأطفلك ولاتنسين ترامس الشاي والقهوه بتسليك بالسيارة مع حلويات وخفايف انا اخذ معي ترمس احط فيه مويه حاره وسكر وإذا بغينا أصلح كبتشينوا وأولادك كثري لهم ملابس لأنهم بيستهلكونها بسرعه

شكرا فراشه حنطيه
وبنت النور تالا
شكرا بنات جزاكم الله خير
افدتوني في امور انا كنت متردده اخذها معاي والا لا
بغيت اسأل-مستحيل اقعد على اكل المطاعم لمدة 20 يوم-لابد ما اطبخ خفايف والا شوربه
قولتكم اخذ صحون وعده بسيطه للطبخ-شورايكم