بنات لسى ماجيت الغسيييل

اكره شي بالحياة الغسيل والكوي :mad:

اسوي كل شي الا هذولي :44:

الله يعين انا زيكم بس ماني مسافره لكن كنت تعبانه ولي اسبوع مسقطه وماعندي احد وعيالي صغار وعافسين البيت والمطبخ حكايه لحاله والغسيل ياسلام غسالتي له اسبوعين خربانه ووراي دوام ودورت شغاله مالقيت اللي يعينا ببدا حبه حبه وان شاء الله اخلص

انا مع السفر اشتغل شغل مضاعف

لان عندي شقة في الطائف للاجازات كلها
كل ما جات اجازة اسكر بيتي هنا في الرياض وانظفه واروح لبيت الطائف واكرف وانظف
واذا انتهت الاجازة ارجع للرياض واكرف ونظف
وتجي الاجازة الي بعدها اطلع للطائف وكرف وتنظيف

غير الشنط والاغراض والحوسات

الحين مع العودة ونهاية المدارس بديت رحلة تنظيف شقة الرياض

الارضيات والشبابيك والستائر
والاسرة اول اشيء عشان نعرف ننام

والحين ابدين على المطبخ والمجلس


والله تعب


الله يرزقنا بالاستقار وراحة البال

انا غبت عن بيتي شهر

رحت لاهلي في الجنوب

ورجعت وكان زوجي مسويه شقة عزابيه للرايح والجاي

ولقيته زباااااااااااااااااااااااااله

وانسدت نفسي عن الشغل يادوب نظفت غرفة النوم ولملمت الزبايل

وثاني يوم اخذت شغالة اخت ونظفناه

بس للحين مابردت قلبي احس يبيله تنظيف عميييق

عساكم جميعا على القووة ..

الله يعينكم بجد تعب وارهاااق ..