اللي مستغربين ليه اغلب الحريم همهم هالزوج تعالو

معليش راح الموضوع بدون ما اخلص
المهم تبي حريه الحريه مو الخروج عن حدود الشرع
اكيد يمشي علينا الحلال والحرام ..
لكن الحريه بتخاذ القرار والشي اللي تحبه
لان احيانا بعضهم الدراسه ممنوعه الوظيفه مننوعه يرفضها
السوق ممنوع الا اوقات معينه ويحاسب رحتي الشهر اللي راح
طيب هذي كبيره زوجه وام مالها حريه انها تختار ودي اروح لسوق لو اشري شراب وارجع ..
طبع رضى الزوج مطلوب موافقته مطلوبه ولا نقول تطلع الوحده عن راي زوجها .. بس هو هالموافقه والرضى استغل بطريقه مجرمه وهو الكتم والحرمان والتضييق على هالزوجه ..


عشان كذا لاتلومون الاخوات اللي ينزلون مواضيع بس تدور عن هالزوج هي محبوسه غصب عنها في عالم هالزوج ...


بس تعالو نساعدهم كيف تطلعي من هالعالم ...

اول شي .... لازم تحاولي تقنعيه تغيريه لو تغيير بسيط ..
يوافق على هوايات تحبيها انشطه تمارسيه ..
لازم يكون لك عالم خاص تعيشيه تحققي ذاتك فيه لو كان بسيط اهم شي تستمتعي فيه وتحبي نفسك فيه ويغير من روتين حياتك ويجددها حتى تقدري تعطي نفسك حقها واطفالك وزوجك وبيتك ..


كل زوج له مفتاح انت لازم تكتشفين مفتاح زوجك مو احنا .. انت بذكائك اعرفيه .. وبوضعك وضرفك حددي وش الهوايه اوالنشاط اللي تقدري تمارسيه ويغير من روتينك اليومي ويحقق لك عالم خاص فيك تحبينه ...
نجي للأمثله عشان تفهمين زين ...

🌸💎
وحده زوجها سعد ... بيتوتي بس بالبيت متكي وعلى التلفزيون والجوال وبالمجلس ... واصحابه شبه اسبوعي عنده قهوه وشاي
ولا يجلس معها ولا مع عيالها ...
الا نادر جدا ... ولا يحب الطلعات والتمشيات الا مره كل شهرين
بعد زن وحن ...
عنده انا مو مقصر معك .. اكل وشرب ولبس صيفي وشتوي يجيكم خلاص انا زوج مثالي .. هذا منظوره وهذا مخه وهذا تربيته اللي طلع فيها ...


زوجته نوف ... تعبت روتين يومي طبخ تنظيف ترتيب ومذاكره للعيال وطلبات القهوه والشاي اليومي لهذا المجلس ولضيوف الزوج المحترم ..


هي تبي لها هدف في الحياة تبي تغيير لروتين اللي هي فيه تبي صداقات تبي انشطه تمارسها تبي حياة متجدده لها ..
تفكر وتخطط ... بدرس عن بعد واكمل الجامعه
بس بفلوس الدراسه وزوجي مستحيل يدفع ؟!!!!
تحاول معه يرفض يرفض لان فيها فلوووس ومبلغ بنظره كبير ..
تفكر وتفكر اقرب شي واسهل شي يوافق عليه ..
دار تحفيظ .. ايوه دار تحفيظ اكسب من هالدنيا بحفظ القران
واحصل جمعه حلوه على الخير .. اكون صادقات واخوات في الله .. واشارك بأنشطتهم واطلع مواهبي ..
تكلم زوجها بوقت تعرف فيه مروق .. لان هالزوج مخه مررررره مقفل ... بتحايل والكلام الحلو والزن .. وافق
وبدت حياة جديده لها .. لو ان هالشي يعتبره البعض شي بسيط بس غير شوي من حياتهاالممله اللي بس مكرسه لزواجها اللي مو مقدر جلستها معه في البيت وخدمتها له .. واطفالها اللي هي من قهرها تحط عليهم عصبيتها ... وتجيب لهم التوتر .. خفت لانها اوجدت لنفسها عالم خاص فيها .. لو كان شي بسيط عند البعض يعتبر لها هي متنفس ..


أمير زوجه ثانيه .. وزوجها كثير الخروج من المنزل عمل اسراحات وهكذا .. مايحب جلست البيت مايرجع الا الساعه 2 ليلا مثلا او 12 ليلا ..
فكرت اميره .. بدال الهواش والزعل والخلاق الشينه والتوتر
تسجل بنادي رياضي وتغير من روتينها وتصنع لنفسها عالم خاص وصداقات وصاحبات ..


طبعا هذولي اللي مره مره مره ازواجهم مقفلين مقفلين يرفضون كل شي ... اقولهم حاولي ثم حاولي بابسط حل واقرب شي لبيتك يخلي ما يطق مشوار طويله لانه بيرفض واذا الماده زينه ويعطي استخدمي الباصات ..
سجلي تحفيظ
او نادي رياضي
اشتغلي بمشغل طبعا يصلح للي زوجها اغلب وقته برا ...
او وظيفه قريبه لهذا الشي ..
لو حديقه قريبه لبيتك تقنعينه يخليك تروحي لها انت واولادك هم يلعبون ويغيرون جو وانت تمشين وتغيرين جو.. تنادين جارتك لها وتتجمعون لقهوه وجلسه تكون للفائده ..


والاهم .. لاتاخذي الدنيا هذي بس هالزوح ادري هو اللي حابسك في عالمه لانه ماسمح لك تخرجين لعالم ثاني ولا اعطاك متنفس عشان تصنعين لنفسك متنفس ... لكن حاولي وحاولي وحاولي
لاتخلين هالدنيا بس هالزوج .. لازم تفكري ليه خلقتي
احفظي شي من القران .. احسني صلاتك صيامك
تقربي لله بالعبادات ..
وادعيه ..
وحاولي انه يكون لك بجانب هالشي عالم خاص يسعدك وتستمتعي فيه ...
القراءه في الكتب تراه حياة ثانيه الكثير يجهله ولا يعرفه
عالم القراءه والغوص داخل الكتب حياة اخره صدقوني لدخلتوه ماتقدرون تطلعون منه .. اذا خلصتي قراءه تحسين نفسك طالعتي من كوكب ورجعتي لكوكب الارض والبيت والزوج والاطفال .. وتحسي بحماس ترجعين لكتابك وتكملين الغوص فيه ..
طبعا مو بس قراءه - اجمعي العباده والقراءه والهوايه والانسطه وجددي حياتك وحاولي حاولي تصنعين عادم خاص فيك بأي طريقه تناسب وضعك وضروفك حاولي لان محد بينفعك غير نفسك ....


الموضوع اجتهاد من نفسي .. قد يعجب بعضكم وقد مايعجب البعض قد يتوافق مع البعض وقد يخالف البعض ..
في النهايه حبيت اوجد حل لو لوحده .. لو اخت وحده تستفيد وتحصل الحل هنا ...


واسئل الله الترفيق للجميع ...

• كلامك اصاب كبد الحقيقة ....

المنتدى يجمع جمييع طبقات المجتمع ..فيه زوجات من القرى ..ولهم طابعهم و تقاليدهم ..وفيه من المدن و الحياة الصاخبة ولهم ايضا طابعهم و تقاليدهم ..وفيه بعضهم من الطبقة الارستقراطية خدم و حشم و فلوس متى ما بغت و سفر متى بغت .. ربي يهنيهم ..
بعضهم .. تقراء مشكله عضوة هنا تقوم تضحك عليها او تستهين بألمها ومشكلتها


يا اختي اذا ربي منعم عليك و مريحك ... لا تقولين فلانه ما عندها غير هالزوج ..الصراحة ايه ما عندها بعد الله غيره ..لان فيه امور احنا ما نعرفها خلتها تستكين لهذا الشخص و تحبث الامور اللي تعجبه ..تبغى الراحة تبغى السكينة و المودة و الرحمة ....


كلام الاخت حقيقة مؤلمة صراحة ..
اجيب لك مثال ..احنا نعتبر من الناس المرتاحين ماديا ..لكن بعض الامور يصعب على اني اوفرها لنفسي ..لاني ماني موظفة ..صح معي شهادة لكن مافيه وظايف ..وعيب عندنا و ظايف الكاشير و المحلات التجارية بالنسبة للبنات ..
زوجي موفر المهم للبيت ..لكن فيه اشياء في نظري مهمة وفي نظرة عادية جدا ..وما يوفرها ..


مثال اخر.. وحدة اذا

موضوعك جميل و اللي هذا حالها الله يعينها على بلواها
في حريم فعلاً عايشات كبت مو طبيعي الله يفرج عليهن