اللي مسجله بطاقات بالله تدخل

صباح الخير
والله يابنات صراحه شي يقهر بنظام طاقات
واستخفاف بالناس بشكل مو عادي
بقولكم مثال
انا صار ينزل لي حافز قبل شهرين دقت علي
الشهر اللي راح تبع طاقات وقالت تحبين انزل
اسمك بحث عن وظيفه <لازم اقول ايه لو قلت لا يجيني اقصاء
وانا بكل امانه اذور وظيفه عادي مو مهم حكوميه
لكن مو بالمولات ابد وقلت لها هالكلام
مادريت الا يومين تذق تقول لقيت لك بالفيصليه ب اديداس
رفضت وقلت انا مستحيل مبيعات يابنت الناس
ممكن استقبال
خدمة عملاء
كول سنتر
انا وحده جامعيه واعرف نفسي ماتحمل ابد
نظام المول قبل اسبوع اتصلت علي
قالت مرحبا
انه فيه
مستشفى طالبين موظفات استقبال تحبين ارشحك
قلت ايوه قالت اوكي تجهزي تاريخ ٢٨-٤
قلت متى وقتها ؟
قالت خلك جاهزه بتاريخ٢٨ هم بيتواصلوو معك
خلك مستعده نفسيا
وان عندي سيرتك بطاقات بس الافضل ترسلين لي
على رقمي عشان ارسلهم على طول عطتني رقمها
وارسلت لها
انا كنت عند اهلي بمنطقه بعيده عن للرياض
بس جيت قبل المقابله بيومين
اقسم بالله يابنات يومين قبل للمقابله وانا عيوني
على الجوال انتظر اتصال رساله اي شي
من اللي قالت مااااااااافي
جاء يوم ٢٨ وانا عندي امل لين ١٢بالليل وانا ع للجوال
لما جاء للفجر وانتهى ٢٨
رحت ارسلت لها اني جايه من مكان بعيد
انتي قلتي لي بيتواصلو معاك ب ٢٨-٤
وخلك مستعده نفسيا
ماحد اتصل ولا ارسل وشافت رسالتي ولا ردت
والله اني خسرت حدود ٢٠٠٠ بالراحه
يومين شقه ومواصلات وتردد ومطاعم
على حساب انتظر يتصلون واهلي كانو متاملين
فيه مقابله عشان كذا اخذت منهم سلف مبلغ
وبالنهايه ولا شي صار
مادري غيري صار لهم كذا ولا بس انا بالشي ذا