السلام عليكم ورحمة الله وبركاته

انا راح اعطيك رأيي اللي مقتنعه فيه : كل انسان وظروفه

وكدراسات تؤكد ان لكل وضع مميزات ومساؤى

يعني وحده جابت اثنين وراء بعض قالت : هم يتعبوا بالبدايه بس لما كبروا ريحوني ، زين انت حللي يعني كم تعبت معاهم سنه او سنتين لحد ما ريحوها او اكثر .........الاشكاليه في الفتره الزمنيه هل انت مستعده تصبري فيها او تشوفي السنتين قليله ، يمكن يكون اهلها موجودين يساعدوها او هي مو موظفه او حتى هي كيف درجة تحملها للاطفال


وحده تقول بصراحه بينهم 4 سنوات واحس روحي مرتاحه : بس طفلها الاول بالبدايه مع من لعب هل عندها اهل قريبين يلاعبوه او حضانه او هي فيها طولة بال تلعب معاه وهل صار طفل دلوع وعنيد ام كان عادي


لكل انسان ظروفه يمكن اللي جابت اثنين وارتاحت كانت جنب اهلها وكانت اذا تضايقت من اولادها حطتهم عند امها واخواتها وطلعت هي وزوجها ونفسوا عن نفسهم بس تخيلي انت بغربه وعندك 2-3 اطفال بنفس السن هل تقدري تتزحزي عنهم

راح اعطيك بعض المميزات للي وراء بعض :
يلعبوا بعض
يهتموا ببعض
اذا كان اهلك جنبك راح تحسي ان تربيتهم سهله
يعطيك فرصه اكبر انك تباعدي بعدهم خصوصا لو كان من جنسين مختلفين ولد وبنت
الاول راح يكون معلم للاول سواء بالكلام والمشي وغيره
ما راح تتعبي تدوري على العاب عادة الالعاب تكون بين المتقاربين نفسها

المساؤى :
تحدث مشاكل بينهم
تحصل غيره خصوصا لو فطمتي الاول عشان الثاني
الاشكاليه اذا كان الاول والثاني يغيروا الحفايض
اذا مرض الاول فكوني مستعده لتمريض الثاني
اذا كنت من النوع المشغول موظفه مثلا ، او مو عندك اهل يمسكهم وانت رايحه السوق فتاكدي راح يكون السوق مثل الكابوس

ايجايبات المباعده:
تعطي نفسك راحه
اهتمامك بطفل يكون اسهل وخصوصا وقت المرض
يكون عندك وقت لتدليله و تتسوقي له ملابس على ذوقك
اذا ظروفك صعبه راح يكون من السهل انك تاخذ اجازه مع طفل واحد احسن من عدة اطفال
طبعا كماده باذن الله اقل ، مع وثوقنا بان الله يعطي لكل شخص رزقه
اذا انت ساكنه شقه صغيره فصعب يكون فيها عدة اطفال
المساؤى :
دايم متملل لانه بروحه ويطيح زن على راسك تلعبي معاه
اذا رحتي لبيت ناس راح يلصق ببيتهم عشان عندهم اطفال خخخخخخخخخخ
الحمال بعده صعب نسبيا
عاده يكون متاخر بالكلام اذا كنت ساكنه بعيد عن اهلك واهل زوجك
عادة يصبح الطفل دلوع جدا وعنيد

شوفو خواتي انا من تزوجت صارلي سنتين ماحملت ولا مره بسبب مشاكل عندي الله يشفيني منها وعمري21
المهم انا اللحين اقول اذا انفكت عقدتي وحملت راح احمل كل سنه
كل سنه ابغى احمل ماابغى ارتاح ابغى عيالي اللي طالعين من جواتي يملون البيت
يازين ريحتهم واذاهم وازعاجهم
ربي لاتذرني فردا وانت خير الوارثين

انا الفرق بين بناتى سنتين وهم 3 الله يحفظهم ويرزقهم باخ يارب
اشوف الفرق مره حلووو يريحونى شوى وبعدين اللى يناسبنى يمكن مايناسب غيرى بس كل وحده على حسب صحتها وميزانيتها ومدى تقبل زوجها للحمل التانى وربك الرازق

شوفي بصراحه الطفل اذا صار هادي اقولك سنتين واحملي مزعج خليه ثلاث واحملي

انا مع الفرق 4 سنوات بين الاطفال اولا لراحة الام وثانيا علشان ياخذ الطفل الاول حقه من الدلعوالاهتمام

انا الحين حامل بالثالث وطفلي عمره 3 سنوات و4 شهور يعني على مااولد ان شاء ربي بالسلامه راح يكو نعمره 4 سنوات