اللي مسويه قيصري في الحكومي... ترد عليا

ربي يتمم لك
الأفضل الدكتور يقرر لك اللي فيه مصلحة الام والطفل
لو كان كل شي تمام ممكن تحاولين طبيعي
واذا خايفة ناقشي الدكتور بالموضوع وشوفي رأيه

ممكن تحاولين طبيعي سواء حكومي او خاص
عندنا بالحكومي دام الحمل وصل الشهر التاسع نعامله معاملة الحمل الطبيعي ماتفرق طريقة الولاده الا اذا الام عندها مشكلة صحية او طفلها او انها فقدت طفل بحمل سابق هنا يكون القيصري افضل


وشفت حالات حمل عزيز بالخاص ولدوهم طبيعي هو يرجع لقناعة الدكتور نفسه وتقييمه

قصدك حملك عزيز جاي بعد تعب وعلاج
انا مثلك الاولى قيصري مبكره بالحكومي والولاده الثانيه ماجات لي ولاده وعديت شهري وبعدين الاستشاري خيرني اولد قيصري ولا احاول طبيعي قلت ابي احاول طبيعي لانها فرصتي الاخيره
وسوا لي تحريض وولدت طبيعي اللهم لك الحمد والشكر كان فرق السماء عن الارض بين القيصري والطبيعي
القيصريه راحت بالولاده بس التعب بعدين
اما الطبيعي التعب بالولاده بس الراحه بعدين تنزلي وتمشي ع رجولك وسبحانه الخالق كل الالم يختفي مع طلوع الجنين
نصيحه من مجربه اذا حوضك طبيعي ولا عندك مشاكل قلب وجنينة بصحته. حاولي بالطبيعي
لان القيصريات محدوده وممكن لاسمح الله تصير مضاعفات وتضطري توقفي الحمل نهائي هي القيصريه رحمه للحالات الخاصه مثل ضعف نبض البيبي الام حوضها صغير عندها مشاكل بالقلب والتنفس واشياء ثانيه من المستحيل اولد طبيعي


اما اللي ربي ميسر لها الولاده الطبيعي تحاول

جزاكم الله خير.. الله يسعدكم يارب

انا ولدت الاول قيصري والثاني في الحكومي وحاولوا معي طبيعي وليتهم ما حاولوا قسم بالله لعبوا فيه وتعبت تعب الله لا يعيده والمشكله ما يقدروا يعطيك طلق علشان عندك عمليه من قبل وفتح الرحم ٨ سانتي والولاده متعسره والطلق بارد وسوو شفط وحاولوا بكل الوسائل ولا فيه فايده وبنتي كانت بتروح فيها لكن ربي حماها ودخلوني على العمليات بسرعه بعد حوالي ١٨ ساعه من المحاوله ولدت بعمليه بعد عذاب الافضل تطلبي قيصري وتريحي راسك بدل ما تذوقي الطبيعي والقيصري