وش اخباركم
واخبار الحلوين؟؟
موضوعي اليوم عن المشي وعندي اساله لي ولغيري..
بحثت في المنتدى بس مالقيت اجوبه عشان كذا اتمنى تفيدوني
بنتي الله يحفظها عمرها 9 شهور واسبوع بالضبط
فياليت تجاوبون على العمر نفسه وكل وحده تحكم على عمر طفلها
1/ابغى منكم اغذيه غنيه بالكالسيوم
2/بنتي صرف لها الدكتور فيتامين د3 6نقط في اليوم
3/ينفع اعطي بنتي كالسيوم بكميات بسيطه من غير استشاره طبيب علما ان بنتي ماطلع لها ولا سن
4/قريت كثير عن زيت كبد الحوت اللي يدهنون فيه هل ينفع ادهن بنتي ولا مضر
5/اي وحده مشى طفلها بدري وتحس انها السبب بعد الله تكتب ايش سوت واستفاد طفلها
الله يعطيكم العافيه اي وحده عندها شي مفيد تحطه واي وحده عندها استفسار تكتبه الموضوع موضوعكم ياحلوات اتمنى الكل يستفيد
لاتجي وحده وتهاوش ادري ان بنتي صغيره بس ودي تمشي بدري وماراح اضرها بستخدم لها اشياء طبيعيه
الله يحفظ بنتي واطفالكم ويشفي كل مريض ويفرح كل ام بمشي طفلها
ادعولي ان الله يسخر لي زوجي ويخليلي بنتي ويهديها ويرحم جدي وموتى المسلمين:(
عموما ولدي البكر ما شاء الله مشى وعمره سبعة شهور .. كنت اتمنى اشوفه يحبي لو شوية في ذيك الفترة رحت لاهلي زيارة وكان فيه اطفال كثير صار يحاول يتقلب علشان يلحق عليهم فبدى يسحب جسمه وشوي حبى يمكن كم يوم وبعدها صار يستند ويوقف على المساند والجدران وما شاء الله كانت بداية المشي .....
من الاشياء اللي تقوي جسم الطفل واللي كنت احرص عليها من صغره تمهيد الطفل وتربيطه من اعلى يده لاسفل رجله اثناء النوم فقط منها يرتاح ويحس بالاطمئنان ومنها تقوى عضلاته وتقوى عظامه ... الشي الثاني دايم في فترات الصباح الاولى او عند المغيب اعرضه للشمس افتح الشباك وافرش له تحت الشباك بحيث تدخل الشمس واتركه فيها مدة ربع ساعة او اكثر شوي ...
لكن على فكرة الطفل اما يمشي اول او يسنن اول والافضل يمشي اول لان التسنين يتعب الطفل .. بالنسبة لولدي لم تظهر اسنانه الا بعد ما اصبح يعتمد على نفسه
للاطفال الصغار تاثير اكبر على الطفل وتحريضه للمشي ..... وبالنسبة لي افضل غذاء للطفل تعريضه للشمس بشكل يومي لانه اهم مصدر لفيتامين د ....... واذا ما زلت ترضعيه طبيعي فانت اهم مصدر للكالسيوم غذي نفسك وهو راح يتغذى منك .. اما اذا كان يرضع صناعي فيكفيه وجبات الخليب حرام تعطيه كالسيوم من عندك ...لكن ممكن تعطية كمية مناسبة من الموز فهو غني بمعادن وفيتامينات عديدة