اللي مقبلات على ولادة تفرزنون شي للنفاس نبي تجاربكم

السلام عليكم ورحمة الله وبركاته كيفكم ياحلوين كيف كريشاتكن ان شاء الله مدبدبات

كلنا الله يعين ننتظر بفارغ الصبر وقت الولاده وعسى رب العزة والجلال يفرجها علينا من او سع ابوابه

كيف تجهيزكم يابنات للنفاس استعديتن بشي غير المعتاد مثلا جهزتن مطازيز انا لما ولدت اختي نفاسها كان عند امي وامي ما عندها شغاله وتعرفون النفاس صراحه يبيله وقفه فقلت لامي خلاص الغداء والعشاء علي انا راح اسويه لكم قالت امي الله وكبر ومن يجيبه من بيتك انا طبعا في مدينه وامي في مدينه بس حبي لها يخليني احب اخدمها مهما كان البعد وامي من الناس اللي يرفض وبشده ان الحرمه في نفاسها تاكل شي مفرزن المهم اختي ام البيبي جالسه فهزت راسها بالموافقه دون امي ما تشوف فقلت يمه جهزيلي الطحين اللي تبين وانسي الموضوع راح يجيك ضيوف ولاتقدرين كل شوي تدخلين المطبخ المهم انا طبعا وش سويت ما سويت الا فكره بسيطة جدا وهي عجنة عجين كثير وسويته بجهاز المطازيز وكيسته باكياس على قد غداهم وعشاهم وصاروا خواتيبس يسوون الكشنه ويضيفوا اقراص المطازيز لها وامي تسوي مرقة لحم قبل يجون الحريم امي طبعا يوم شافت السنع الى الان وهي تدعيلي تقول خففتي عنا الله يخفف عنك الهم صار الغداء والعشاء مايلهي

عاد انا راح اطبق هالشي بنفاسي القادم باذن الله والله يعين

فايش رايكم ياحوامل حواء ياحلوين تكتبون تجاربكم في التفريز للنفاس وش رايكم تفرزنون الكشنه واذا عندكم اضافات ثانيه اطرحوها عسى ربي يفرج عنكم في ولادتكم ويسهلها وييسر اموركم

لان بصراحه الوحده بالنفاس خاصة في بيتها ما تلقى وقت من الضيوف خاصة بعض الضيوف يطول بالجلسه وكانه بسهره غير مراعي ان هالحرمة بنفاس وتكون بحاجة للراحه





يالله كلنا بانتظار تجارب امهات حواء وخاصة اللي عندهم خبرة سواء بالاكل او حتى الادوية