المسألة تعتمد على شخصية صاحبة البيت ...
اللي تعطي الشغالة وجه وتثرثر معاها ..
اللي كل ماشافتها مبوزة من غير سبب راحت سألتها مين زعلك
اللي ماتدري عن اغراض الشغالة ولاتسوي تفتيش لها من اول ماتوصل وخلال فترة اقامتها عندها
اللي تشوف الشغل مو تمام وتطنش ...
واللي تاركة شغل البيت كلللله والاولاد والطبخ والغسيل ومتفرغة للخرجات والاسواق ولاتدري عن بيتها
طبعا تتهمش ونص كمان ..
اسوء شي ( ان الشغالة تحس انها وحدة من اهل البيت )
انا ما اقصد اننا نكون قاسين معاهم ونأذيهم ونعاملهم معاملة فيها فوقية واهانة ... اعوذ بالله ربي مايرضى بالظلم
اعطيها حقها كاااااامل ..
لو شفتها في يوم مريضة اخذها للطبيب واعطيها اجازة يوم ترتاح ماتسوي ولاشي
تصحى الصباح وتشوف شغلها ولها ساعتين راحة بعد الظهر وترجع تخلص اشغالها
تدخل غرفتها الساعة عشرة واذا فيه ضيوف والتأخير اضطراري معناته تعوضها تصحى متأخرة شوية مافي مشكلة ..
اوديها السوبرماركت كل شهر مرة تشتري اللي تحتاجه
اكرمها في الاعياد ورمضان واشتري لها لبس مرتب واخليها تنام على فرش نظيف في مكان نظيف خاص فيها
بس اخليها تفهم انها ( موظفة ) تاخذ حقها وتعطيني حقي كامل ..
تستوعب تماما انها مراقبة وانها ( مو في بيتها ) .. ضروري جدا تفهم هذا الشي تماام
لازم تحترم قوانين البيت وتمشي على نظامي وترتيباتي ان كان في طريقة الشغل او لبس او تعامل مع اهل البيت ... الخ
اذا خليتي الشغالة تمشي على نظام معين وكنتي صارمة ماعندك تهاون ودلع ..
وفي المقابل حست انها موظفة لها حقوقها ولها احترامها من كل النواحي ..
بترتاحي معاها وهي كمان بترتاح
بقي شي مهم .... ابعدي عن الاثيوبيات
مو بس عشان الجرايم اللي نسمع عنها .. عشان طبيعتهم غريبة ماتعرفي كيف يفكروا .. الطيبة والشرانية كلهم تفكيرهم غريب
يعني مثلا لاتستغربي انها تحقد عليكي وقلبها يتملي غل عشان جوكي ضيوف وكان فيه شغل كثير في يوم مالها مزاج للشغل
او ممكن تشوفك خرجتي مشوار ورجعتي مبسوطة في يوم كان مزاجها مش ولابد .. تأكدي انه سبب كافي انها تشيل في نفسها عليكي
ومرة على مرة .. والقلب يتملي ويجمع ... لاتستبعدي انها تسوي اي شي ...
اما المجرمات عاد هذولا حكاية ثانية الله يكفينا شرهم
جيبي سيريلانكية ولو تقدري تروحي بنفسك لسيريلانكا واختاري شغالة بمواصفات تناسبك ... اعرف كذا وحدة راحوا واختاروا شغالاتهم بنفسهم وبعدين جابوهم بطريقة نظامية وماشاءالله وضعهم ممتاز ..
ماعندي ثقة في اختيارات مكاتب الاستقدام مامن وراهم الا المشاكل ..

الله يسهل لك ويوفقك ان شاءالله

ما تجيبيها دائمة اهلي بيحيبوها 4 ساعات باليوم و مريحة ماما و خواتي لانهم بشتغلوا و بدرسوا

الله يكفينا شر الخدم ومصايبهم ..... انا بصراحه اكرهمم جددددداااا لكن ايش الي يحدك على المر قال ال امر منه ...

اذا انتي تعبانه يااختي جيبيهاا تساعدك في بيتك

او جيبي بالساعه وريحي راسك من الهم ..

البيت مو كل يوم تنظيف
اذا انتي تعبانه يكفي مره بالاسبوع تجيبيهاا تجلس يوم كامل تنظف كل شئ .. من كوي وغسيل

لانه اكثر شئ يهد الحيل

والباقي مقدور عليه ان شاء الله ..

اعتقد شغاله الساعه تكفيك ..

افضل حل جيبي شغالة مرتين بالاسبوع تنظف المجالس وحمامهم وتكوي الملابس

وباقي البيت عليك يكون خف الشغل

هذا نظامي لانه شقتنا صغيره

لكن بما انه دورين استخيري والله يسهل اللي فيه خير

أنا موظفة وكنت طالبة كان عندي إثيوبية من زمان من ٦ سنين قعدت سنة ونص وراحت حلفت ما أجيب بعدها شغالة كرهتني في حياتي بس قعدت ٣ سنين بدون شغالة كرهت نفسي أكثر
والحين جبت فلبينية من شهر والحمد لله حتى زوجي يقول ياليتنا جايبين من زمان فضيت لزوجي صرت البس واشخص وأحط مكياج على الأقل مرتين في اليوم وخفت عصبيتي وصرت أروح لأهلي أكثر واطبخ كل الأشكال
يا أختي الشغالة نعمة من الله
اول أقوم من النوم نفسي في راس خشمي ولا ابتسم كله شايله هم الكنس والغسيل والطبخ وملاحق ولدي.
الحين أقوم افكر وش بطبخ ولا تشيل هم المواعين أخلي ولدي يلعب في الحوش ولا أقوله شئ
وإنتي بيدك تصيرين ملكة البيت وبيدك تصيرين مهمشة
يعني الأم والزوجة شغالة
لا يا أختي الأم دورها تربي عيالها وتحن عليهم و تعلمهم
والزوجة دورها تهتم براحة زوجها وتحسن التبعل
يعني إذا حصل للوحدة أنها ترتاح من الكرف وتحط كل مجهودها لزوجها وعيالها أحسن لها ألف مرة