حبيبتي مرة جلست اسولف مع وحدة لها ماشاء الله ثمان اخوان قلت ايهن احلى معكن قالت فلانة قلت ليش ؟؟؟ قالت لانها محترمة نفسها رسمية معنا مانتجرأ نمزح معها أو نقط عليها كلام لأنها بكلمة توقفنا عند حدنا لها شخصية بس بنفس الوقت تحترمنا وتقدرنا بس مزحها قليل ونادر ماتضحك ... ووحدة مرة قالت لي تبين تسلمين خليك رسمية معهم عشان مايتمادون هذا رايي ولا أنا ماعلمت روحي ياااااااااااحسرة طيبتي ضيعتني

الناس تختلف

تعاملي معهم على طبيعتك نصيحه ..

اذا انتي من النوع الفرفوش واللي يضحك .. اضحكي عادي معاهم بحدود الادب والالفاظ الحلوه وبدون تعملق لحياتك الشخصيه مع زوجه سواء من ناحيه ( مصروفه لك .. تعامله معك .. ايش جاب ايش ماجاب وووو )

..

واذا انتي من النوع الرسمي مع خالاتك او عماتك او صديقاتك .. خلك رسميه مع اهله .. وخلي تعاملك واحد مع الكل وزي ماقلت لك بحدود ..

باالتوفيق

ليش بمفهومكم ان الرسميه والثقل يعني التكبر والاحتقار؟
ترا بيت اهلي يعتبرون اهل زوج لان اخوني متزوجين ومع ذالك اتمنى حريم خواني يتعاملون معنا برسميه والرسميه يعني لا ضرر ولا ضرار
لما اصير رسميه يعني اجلس بمكاني ولا اتدخل بشي بينهم ابد بكيفهم يتهاوشون ويتظاربون
اشارك بالمحادثات مشاركه بسيطه وانا اضحك ومبسوطه بدون ما ادخل علاقتي بولدهم بالموضوع والا صار هواش
ازورهم واقوم بواجبهم ولكن ما اطول الجلسه عندهم الجلسه تكون فتره بسيطه سلام ويشوفون الاطفال ونطلع

هذا الاسلوب مع اهل الزوج الطيبين والسيئين مفروض يتبع
لانه الاسلوب الوحيييد الناجح مع اهل الزوج واللي ما يطلع مشاكل لان كلنا عارفين مشاكل اهل الزوج ممكن تهد بيوت
وياما اهل زوج كانوا عسسسل ولكن انقلبت العلاقه بسبب ان البنت تروح لهم وتطول وتدخل بكل شي وتعتبر نفسها ببيت اهلها وهذا اللي بيطلع المشاكل صدق

نصيحه لكل بنت
قللي كلامك وقللي الوقت اضحكي وانبسطي بس لا تدخلين احد بشي
لاننا كلنا نعرف ان كثير ما يتقبلون ان اهل الزوج يعلقون على اطفالهم سواء لبس والاطريقة كلام وطريقة تربيه
كثير اهل زوج عسولين عن حسن نيه خربوا بيوت
هذا الاسلوب مافيه تقديم سوء النيه ابدا بالعكس فيه احترام ورقي وهدوء وبعد عن المشاكل

ذكرتيني الله يذكرك بالشهاده يوم قلتي اضحكي بحدود الادب

مشكله يا اختي لا جتك الوحده تقول بتعامل على طبيعتي ولا تحط حدود وتقوم تهين خوات زوجها بزعمها مزح وتهين اللي بالمجلس يقالك ظريفه
وهي بالفعل هالبنت اعرفها مزحها ثقيييييل والفاظها ثقيله وتمزح مع خوات زوجها بمزح ثقيل وياما نبهتها قالت عادي وانهم حبيبين
بلاخير خوات زوجها انفجروا وطلعوا كلللللل شي وقالوا لها انتي وقحه ومزحك وقح وقليلة ادب وترانا تحملنا منك نبيك توقفين ولكن شكلك قليلة ادب لان هذا مو مزح وزعلوا عليها

تخيلي زعلت وقالت انا غلطانه اعاملهم مثل خواتي:eek: يختي قلنا من الاول خوات الزوج مهم خواتك وتستاهلين ما جاك بهالمزح الثقيل والملافظ القويه خليها ببيت اهلك