بالنسبة لي كنت طيبة معهم وذوق وما كانو يرحموني من كلامهم اللي. ماله داعي و يتكلمون علي من
وراي ويتضايقون اذا جيت عندهم و يخافون اذا طبخت وارسلت لهم لازم تطبخ اكلهم قدام عيونهم و يحرشون عيالي امكم ما تحبكم مثل أبوكم يعني من هالكلام والحركات وهي امه بس واخته عمرها
٢٢ سنة والاخت الكبيرة ما تواصلني نهائيا مع اني شلتها في نفاسها اكثر من اهلها بس الأجر من الله وعكس سلفاتي اذا جو عندهم بس سلفتي الكبيرة مثلي وماخذه على راسها
والحين كل واحد فحاله بس للأسف لسانهم ما يرحم عشان كذا قلت ليتني كنت رسمية معهم من البداية

وزوجة اخوي كانت مثل العسل وكانت تنحط على الجرح يبرى وكنا معها مثل الخوات حتى اذا زعلها اخوي
كلنا نزعل معها وكانت اسرارنا مع بعض حكاياتنا روحاتنا جياتنا مع بعض بس كان عيبها الوحيد الغيرة القوووووووية لدرجة انها ممكن تأذي اللي تغار منها و صارت تسمع للناس كثير فخربت علاقتنا وصار كل واحد فحاله مختصر من الثاني والله يستر على الجميع

عكس اختي ام زوجها تحبها اربع وعشرين ساعة تكون معها لا روحات ولا جيات و لا اكل ولا شرب
في كل شي حتى بعض الاحيان ودها تنام عندها واذا ما سوت شي من اللي تقوله خالتها زعلت

شوفي سبحان الله شلون المفارقات يعني كل اهل زوج و طبيعتهم

 

زيتونه صح كلامك
وأضيف ان الدين أخلاق الحساسيات نحن اللي نحطها
وأهل الزوج مثل اهلك
الحمدلله انا اتعامل مع ام زوجي مثل ما اتعمل مع امي ولو زعلتني بشيء اتعامل معها مثل ما اتعامل مع امي
اجيها أقولها انا زعلانه صار كذا وقلتي كذا وتسمع مني واسمع منها لان ما صارت تحبني كثير
وأمي برضو تعامل زوجة اخوي مثل بنتها
واستغرب كثير البنات اللي دايم مشاكل مع اهل زوجهم
واكتشفت ان الاغلبيه تغار من تعامل زوجها لأهله وتبدأ تفهم الموضوع من راسها وتحطط حزز بينهم وتراقب تصرفاتهم عشان تبدأ تهاجم
وناسين انهم بكرا بيزوجون أولادهم وبينحطون بنفس الموقف وكلن بما زرع

> فلسفة اخر الليل خخخخخ

دلوعه وقمر
الله يوفقك ويسوون بك عيالك مثل ماسويتي بهم
آآآآه يالقهر مثل قهر انه تتعامل بهالطريقه وينقرض أسلوبك الحلو هذا
نصيحتي لك خل على طبعك لأن الطيب ماتندم عليه
بس عندي ملاحظه ياقلبي انتي تقولين انه تحسب لهم ألف حساب وأنا لأ
أحسها المسيكينه خالاص حاطتك تبعها يعني مثل بناتها وهم لأ تعاملهم مثل الأغراب
وتعرفين انتي شلون نعامل الأغراب إذا جو بيتنا ووشلون ننتعامل حنا يالأهل مع بعضنا

على حسب اهل الزوج
بس عن نفسي ماني رسمية مع اهل زوجي لانهم مرة طيوبين و تعاملهم معي زي العسل الله لا يغير علينا

السوسن ياقلبي أنا ما أخذت ولدهم الا اني راضيه فيهم كلهم وبإرادتي دخلت هذا العالم فلازم أتكيف عليه وأعاملهم كأن هذا التفكك هو بعائلتي مو عائلة زوجي
شفتي لو كل وحده دخلت على أهل زوجها دخلت بنت لهم مو مرت ولد
وهم برضو لو استقبلو حريم عيالهم مثل استقبالهم لبناتهم ماصار اللي صار من كره وعداوه
أتمنى تاخذين ردي بسعة صدر وماتاخذين على خاطرك مني بشي
وبالنهايه كل وحده عايشه وضعها ومانقدر نحكم عليها هي أعرف بنفسها وبأهل زوجها شلون تتعامل معاهم بما يرضي ربها