اللي ملاحظه ان امورها بالزواج مو مظبوطه اقري وشجعي نفسك

اول شي السلام عليكم ورحمه الله وبركاته


صلوا على النبي اللهم صلي وسلم عليه





انا كسوله ومالي خلق اكتب بس من حبي لبعض بنات حوا قلت اكتب لهم الموضوع لعل وعسى يكون سبب لتظبيط امورهم

والله قادر على كل شي


هذي بنت اعرفها يجيها خطاب بس ماقد تقدم لها احد رسمي وصار الموضوع جدي ابد كانت تقول نفسي لو مره يجي احد ويستشيروني اهلي فيه

اغلب خطابها يروحون بدون رجعه او هي ترفضهم من اول اتصال وطلب على طول يعني مايصلحون لها ابد
ماكانت تعرف شي اسمه رقيه كانت شوي متهاونه بامور الدين عندها معصيه مصره عليها كلما جزمت تتركها ترجع لها بعدها من الله عليها بالهدايه والصلاح من رؤى رأتها وحذرتها ووجهتها انها محتاجه رقيه وانها لازم تترك المعاصي ولازم تحذر من حولها من الحساد
التزمت لكن يجيها حاله فتور وتترك كل شي ضلت سنتين على الحال كل يوم تقول ببداء رقيه كل يوم تقول بترك المعصيه تبدا شهر بس وترجع زي ماهي مرت سنتين ماتقدم لها احد والعمر يمشي مثل البرق واخيرا بشهر شوال اللي راح تركت المعصيه والحمدلله ومارجعت لها وبدت ترقي نفسها وغيرت من نفسها كثيررررررررررر واذا بغت تسوي معصيه تدعي الله انه يعوضها خير وتجاهد نفسها عن كل معصيه لو كانت بنظرها صغيره لان بعضنا يتهاون ببعض المعاصي موسيقى اغاني صور غيبه تشمت تمسخر حركات المسن والخربطه وغيره وغيره التزمت بالدين صلاتها اذكارها مصحفها صار عندها ثقه بالله انه ماراح يصيبها الا المكتوب لها صار عندها تفاؤل بالحياه ماصارت تتشائم او تبكي لان اللي يبكي ويضيق صدره معناه ماوثق من ربه كانت مرتاحه للاخر وماهمها شي واذا ضاقت عليها قالت اللهم اني اعوذ بك من الهم والحزن ويزول همها او ينسيها ربي همها وعارفه انه ربي مأخر زواجها لحكمه صحيح ابن ادم ضعيف ويفكر بهمومه لكن اذا رضي واحتسب اجر الصبر ربي يعطيه ويعوض صبره تقول عدلت من تفكيري و نيتي احب الخير للناس
صارت اي عمل تعمله ماتقول عشان اتزوج لانها عارفه ان اللي يجعل الدنيا اكبر همه يضيق الله عليه خلت تفكيرها بالاخره وكل عمل تعمله للاخره تقول عشان ربي يرضيني بالاخره والدنيا وانا راضيه باللي يصير لي بالدنيا حت لو ماحقق الله اللي ابيه اهم شي رضا الله وتعي بالثبات على الهدايه والصلاح بعدين داومت ع الرقيه حملت رقيه سليمان الخمسان للحسد والعين ورقيه الجريسي ورقيه تفجير حصون العين ورقيه حرق العين وبدت تسمعهم قبل النوم استمرت عليهم واذا صحت تقرا هي على نفسها وتنفث جمعت ايات الحسدوالعين وصارت تقراهم بيييييييييقين ان الله بيشفيها وايقنت ان الله هو اللي بيده الشفاء والقران سبب للشفاء شربت مويه واغتسلت بمويه مقري فيها استمرت ع الااستغفار اول مره تقول اداوم ع الاستغفار وبعدد كبير واستغفر وانا بالي معي مو لاهيه وصارت بكل وقت تدعي ان الله يشفيها اذا كان فيها مرض روحي ومعسر زواجها وان كان سبب تعسر زواجها بسبب ذنوب ان ربي يغفر لها ويتوب عليها وصارت تتعوذ من كل شي تكرهه وماتبيه مايفوتها ولا موطن فيه اجابه دعوه وماتدعي فيه وخاصه الليل ويوم الجمعه

وكانت واثقه كل الثقه ان السنه ماراح تمر الا وربي رازقها كانت تقول لي سنتين ماتقدم لي احد ابي لو كلام اهم شي احس اني مازلت مرغوبه وربي انها متفائله وسوت لهاجدول اهتمام بنفسها عشان لو انخطبت تكون جاهزه

والله بعد كم شهر تكلموا فيه 3 بغرض الخطبه ماشاء الله تبارك الله وواحد الحين مرتاحه له والله يتم امرها على خير تقول اول مره تصير خطوبه رسميه وياخذون رايي في الخاطب وسبجان الله ترى الرؤى والاحلام اللي بعض الناس متهاونين فيها كانت سبب وبرهان لها لكشف حقيقه تعسر امورها صار بسبب ذنوب وبسبب الذنوب تعرضت لحسد وعين والحمدلله وكانت تجي بشارات بالشفاء تقول والله مافكرت اني مصابه بحسد لاني ماحس بشي واحلامي تقول ان فيني حسد ولما بديت ارقي يبشروني بالشفاء وبشروني بالزواج وقتها

وانا قلت لها لاتتركين التحصين حتى بعد الزواج



ادعوا لها ان ربي يوفقها طلبتكم


وبس كتبت قصتها عشان يصير عندكم تفاؤل بالحياه وترى الزواج يحوم التسبد ههههههههههههههههه اتمنى انكم ماتتعبون نفسكم بالتفكير والضيقه كلكم بتتزوجون مو ناقصكم شي بس لاتعطون الزواج اكبر من حجمه وتذكرون كلامي :)