اللي ملتزمه بالاستغفار وقيام الليل وسورة البقره تدخل و تكتب قصتها لوجه الله

السلام عليكم
بدون مقدمات ............
الله يرضيكم ويرضى عنكم ويرزقكم من واسع فضله و يجزي كل وحده تفيد اختها المسلمه لوجه الله بجنات تجري من تحتها الانهار ورضوان من الله ويحرم وجهها عن النار (والله بعض الاخوات هنا كلامها بلسم ع الجرح وتدعين لها بظهر الغيب وهي م تعرف )

انا الحمد لله حافظت ع قيام الليل من كذا شهر حتى لو م قمت ف ركعتين بسورة البقره يكفي اصلي الشفع والوتر والحمدلله بس لا حظت هاليومين انو مابي اصلي استغفر الله يعني اغصب نفسي وبدات استغفر من شهر 12 يعني استغفر واوقف موملتزمه بس من هذا الشهر حافظت ع الاستغفار بس من كثر المشاكل يوسوسلي الشيطان شوفتي هذا من استغفارك لانو كذا نيه ولمن جيت استغفر بس بنية مغفرة الذنوب وسوسلي طيب متى يتحقق لك نيتك الثانيه والله تعبت <<<وقولت لا اكيد يبي يحبطني عن الاستغفار

ابيكم تقولون لي عن استغفاركم وعن قيام الليل وسورة البقره للي محافظين عليها طبعا <<< بنية ايه وربي رزقكم يعني قولوا قصصكم لا تحطوا منقوله والله حفظتها ابي قصصكم عشان اتشجع واستفيد ويستفيدون اللي مثلي
لانو انا استغفر بنية مغفرة ذنوبي وبنيه ثانيه....... الحمدلله
بس عندي من الهموم والضيق والمشاكل م الله به عليم
يعني ينفع استغفر بنية مغفرة ذنوبي وبكذا نيه يعني اجمعها كلها والله تعبت من التفكير


(لا تجي وحده تقولي الله م يجرب وانتي م قراتي اية فقلت استغفروا ربكم انه كان غفارا .....الايه والله لو قراتيها م قولتي ابي قصصكم ............ يعني الي بتدخل وتتمشكل وتسب فالافضل لها م تدخل )




ملاحظه <<<عندما يرشدنا ربنا إلى استخدام القصة فإنه يعلم أثرها وقوتها على النفس
قد نص الله تعالى على بعض هذه الحكم فقال: ((وَكُلًّا نَقُصُّ عَلَيْكَ مِنْ أَنْبَاءِ الرُّسُلِ مَا نُثَبِّتُ بِهِ فُؤَادَكَ )) .
وقال: ((فَاقْصُصِ الْقَصَصَ لَعَلَّهُمْ يَتَفَكَّرُونَ )) .
وقال: ((لَقَدْ كَانَ فِي قَصَصِهِمْ عِبْرَةٌ )) .