اللي موظفه او متزوجه وساكنه بعيد عن اهلها تدخل

بنات انا عندي مشكلتين جالسه اواجهها
ابي نصايحكم
انا عمري ٣٠ بدخل ٣١بعد شهر
انا يابنات مييييييييته ميييته ابي اتوظف
وبما اننا بمحافظه صغيره مره كل اللي فيها مول
مافي شي هنا اتوظف فيه
يعني حتى مشاغل ماعندنا اقول اقدر اقدم فيهم
لكن اقرب
شي لي الرياض تقريبا٣٥٠ كيلو بيننا
وكثيرررررر لما اجرب حظي يطلبوني مقابله
ويكون الراتب كويس للي ساكنه هناك يعني
يجيني ٤٥٠٠ تقريبا مو اقل من ٤٠٠٠
لما قسمت مثلا سكن ونقل تقريبا يصفى لي ٢٠٠٠
يعني نعمه بالنسبه لي وانا عاطله مامعي شي
واشتغلت قبل فتره باستقبال وتركت
مشكلتي ابوي
سامح لي وقايل روحي بسكن موظفات
اذا حصلتي وظيفه
لكن امي هي ماقالت لاتروحين سامحه
تقول روحي لكن من وراء قلبها ودها تقول لا
لكن

تسوي مناحه قبل كذا توظفت والله يابنات
تتصل علي تبكي تقول ارجعي بس
واذا جيت لهم زياره جلست تبكي اول ماتشوفني
واذا جيت بسلم عليهم برجع الرياض تبكي
اذا كلمتها صوت تبكي اخر شي صرت ماكلمها
ارسل واتس لها بس
انعدمت نفسيتي من وضع امي اقسم بالله
صرت اروح الدوام منضغطه من الدوام من جهه
ومن امي من جهه
واختي تقول امي تصحى وهي تبكي وتنام وهي تبكي
طيب انا وش اسويييييييييي
هذي مشكلتي انا ابي اضمن نفسي بخبره اقل شي
اقسم بالله الراتب اللي يصفى لي لما ادفع
لمواصلات وسكن ١٧٠٠ او اقل
لكن بعيوني كان شي كبيررررررررر
لانه من تعبي ولان غرضي من الوظيفه موب بس
مادي لا والله
غرضي ابي اشغل نفسي ابي استفيد ابي خبره
اختي وصديقاتي قالو طنشي لما امك تبكي سلكي لها
وعادي كل الامهات اللي بناتهم توظفو او تزوجو بعيد
مرو بتجربة امك لكن اختي تقول لها اسبوعين
ع نفس الحاله
انا مشكلتي ماعرف اصبر
فكنت مضغوطه من الدوام ومشاكله ومن امي
واختي اللي بس توصل لي امي سوت امي بكت
مع ان اختي كانت تقولي لاتتركين امي مردها تتعود
لكن انا للاسف ماصبرت حسيت ومشكلتي
تانيب الضمير اني كيف سامحه لنفسي امي كذا
ضايق صدرها وتبكي وانا جالسه !!
مع اني جالسه لمصلحتي جالسه اشتغل واخذ خبره
لكن تانيب الضمير ذبحني وبلحظه قدمت استقالتي ورجعت
الحمدلله خيره خيره
مو عشان بس امي كانت تبكي وتسوي مناحه
بيئة العمل موب مريحه ابد المدير انسان مو مريح
ومستقعد وماخذ الامور كلها بتفتح زايد واشياء كثيره
الحين اخوي صار يقولي قدمي
وش تنتظرين لين يروح عمرك قدمي واعتمدي على نفسك
يقصد اقدم بالرياض هو بالرياض لكن ساكن مع خوييه
يقول لو لقيتي وخلص عقدي اخذ شقه واسكن معك
بس قدمي يعني حرام حتى اخوي مره ميت ميت وده اتوظف لان حرام جامعيه وعمري جالس يمشي كذا
حتى اخوي ماجاملني قالي انتي بعد كم سنه
ماحد راح يقبلك ولا محل فاضمني نفسك دامك ببدايه
الثلاثين لكن بعد كذا ماحد راح يستقبلك ويوظفك
انا المشكلتين ايش
الاولى
هي المصروف يعني دايم الناس يحسفوني يقولون
وش الفايده شغل تشتغلين وتعبين
بالنهايه يروح نص راتبك او اكثر للسكن والسواق!!
انا بنظري عادي
يروح نصه للسكن والسواق لان كل الحياة شقى ومصاريف
يعني فيه ناس الوظايف جنب بيتهم لكن كل رواتبهم تروح
بديون ومصاريف !!
لكن كل ماقلت كذا قالو الناس وش فايدة التعب
ونص راتبك تحطينه بسكن وسواق


المشكله الثانيه واللي صدق صدق
هي مازمتني نفسيا وعلى قولتهم ماسكتني مع يدي
اللي تعورني امي امي عارفه لو قدمت بترجع
تعيد الاسطوانه وتبكي وارجعي وكل ماكلمتها او
جيتهم زياره او جو عندي بس تبكييي😭😭
انا ودي على طول تتاقلم ع الوضع ماقدرت!!
على اي شي شخثيتهاًامي حساسه اي شي يبكيها
فلما رحت كل وقت تبكي وانا هالشي يانبني احس اني
مقصره او عاقه مع انها هي بلسانها قايله لي رووووووحي
لاتجلسين اذا لقيتي روحي بس سبحان الله لما اروح
تنفجر بكي من قبل اطلع اصلا 😭😭
ولو بجلس بالمحافظه عمري وحياتي ماراح اتوظف
لان كل بنات اقاربي اما يتزوجون او وصديقاتي قدمو بعيد
عندنا فيه قحططططط وظايف
ماعندنا بالمخافظه كلها الا مول صغيره دور
وكم بقاله وكم سوبر ماركت وصيدليه ومستوصفين
خاصه بسس متخيلين
يعني شبه حلم الواحد يحلم انه يحصل وظيفه بهالمكان
فلو براعي نفسية امي ولا رايحه انا احط على مستقبلي اكس لان ماراح احصل وبيروح عمري وانا جالسه كذا