اللي موعد ولادتهم برمضان كيف استعدادهم للنفاس..؟

كيفكم كروشا ت ربي يهون عليكم ويقومكم بالسلامه...

ولادتي برمضان ب24 من الشهر ومن الحين محتاسه كيف استعد خصوصا عندي طفلين الكبير5 س ويدخل السنه هذي روضه
والصغير3 سنوات
وكيف اجهز للعيد اقترحت على نفسي اجهز للاولاد للعيد من شهر 6 علشان ماننضغط و7 اجهز لي وللمولود اذا عرفت جنسه لاني للان ماعرفت ((انا بالاسبوع الثاني من الشهر الرابع))
ومقاضي رمضان اقول ثلاث ارباعها ماله داعي لان فطورنا حتى اذا ماسويت شي (سواء كنت حامل او مو حامل) رسمي وبشكل دائم اهل زوجي يرسلون لي او اروح اخذ منهم فما احمل همه كثير واصلا ماعتقد لي نفس اطبخ او ااكل لاني في ساعه تحري الاولاده..
اذا الله كتب بولد بيتي اريح مع ان ماعندي شغاله بس احتمال اخذ وحده بالايجار اللي يقطع القلب 2500 س/ر في شهر هذا ان مازادوها
مميزات النفاس ببيتي اريح لي ولعالي
الحريم ثالث طفل مايطولون كثير ويستحون اذا كان بيت النفاس نفسها


سلبيات النفاس بيت اهلي
هذا ثالث طفل وابغى ارتاح امي مو مقصره ومافيه الاشغالتها وهي وكبيره بالسن
بس قلت ابرحمها شويه
الحريم بيت اهلي وقت الفطر من بعد صلاه العصر الى س 12 بالليل
فمابالكم رمضان انا اعتقد بياخذونها فله حجاج ووناسه..ونحن الضحيه
وبعض المرات تتعب نفسيتي من الزحمه والازعاج وغثاء الحريم اللي 24 س تكررجيتها بدون داعي
وبعضهم الله يهديهم اسأله ماله داعي وتعليق ع التقديم ماله داعي ..هذا اكثر شي كرهته في الحريم
وعبالي بيت اهلي انواع الشقاوه ودمار شامل وبيت اهلي شارع عام كل مره بالشارع عكس بيتي
اقل شقاوه ويكونوا بيني وبين بيت اهل زوجي


كيف استقبال الضيوف برمضان اكيد من بعد العشاء بس الى كم ماعندي خبر الى الساعه 11 مثلا

كيف نفاس الوحده برمضان خبركم ماحد فاطر الا هي
وصعبه اجوع نفسي وانا من النوع اللي حريص على نفسي بقوه بوقت النفاس واخاف اتبهدل
اكيد امي بتجيني من بعد العشاء ومااحب اكلف عليها كبيره سن تجي قبل,,
وام زوجي فيها قوه ومو مقصره اعتقد بس صعبه اقولها قومي فيني اذا ماجاء من نفسها
واذا جبت شغاله بالايجار كيف العمل معها وش تسوي لي وكيف مع عيالي...خبركم كل وحده منا في بيت اهلها مكفوله من كل شي راحه ونوم وشرب واكل وتقديم واستقبال
بس ماتعرف التعب الا في بيتها..ومن جد خلاص..االمفروض نرحم امهاتنا شوووويه

طبعا سويت بحث في المنتدى ماطلعت بنتيجه ولم اجد موضوع عن النفاس برمضان..


نسيت نقطه مهمه...اللي تولد برمضان سواء اوله ولا بالنص ولا اخره..كيف العيد تعيش اجواءااااه لاني اموت ولا اضيع شوفه الناس بالعيد وهالمره بنحرم صح
بس قلت بفرفربالسياره<<شوفي من يعطيك وجه قبل..ويطلعك..

يعطيكم العافيه..حطوا جدولكم ونظامكم حتى الوالدات من قبل..لعلها تفيدنا باذن الله


اسال الله لي ولكم سهاله الطلق وحسن الخلق والجميع بسلامه وجعل مواليدنا قره عين لنا